28

idecek düyûnâtı mecmû'undan ahz olunacak yüzde beş resm-i mahkemeden büro depozitosundan
tesviye ettirilerek mâ'adâsı dâyinlere verilir
Yedinci madde kıymeti tahmîn olunmayan da'vâlar hakkında verilen istid'âlar içün mahkemenin
ahz eyleyeceği resm ve harcın mikdârı hükm lâhık oldukdan veyâhûd i'lâm
edildikden sonra mahkeme tarafından ta'yîn edileceği ve her hâlde zikr olunan resm
ve harc yirmi guruşdan aşağı olmayacakdır
Sekizinci madde mikdârı evvelden ta'yîn olunmayan istid'âlardan meblağ-ı matlûbun mahkeme
tarafından bi'l-hükm ta'yîn olundukdan sonra ne mikdâra bâliğ olur ise alınacak resm
o nisbetde olacakdır
Dokuzuncu madde yedinci ve sekizinci maddelerde beyân olundığı üzre i'tâ kılınacak
istid'ânâmelerle derûnunda tahsîli istid'â kılınup mikdârı ta'yîn kılınmayan 'arz-ı hâllerin
ilerüde îcâbâtı icrâ olundukdan sonra o vakit mahkeme içün ahzı ta'yîn
edecek rusûmâtın sûret-i istîfâsını te'mîn içün işin ehemmiyet ve derecâtına göre
yâ müsted'îden bir emânet-i nakdiye ahz edilecek veyâhûd bir kefâlet-i mu'tebere taleb
edilecekdir
Onuncu madde üçüncü madde mûcibince kable'l-muhâkeme ber-vech-i peşîn istîfâ olunan
akçe mebâliğ-i mahkûmenin rusûm-ı nisbiyesinden ziyâde oldığı hâlde fazlası her ne mikdâr
ise i'tâ eden tarafa redd ve teslîm olunacakdır
On birinci madde bir da'vâ taht-ı muhâkemeye konuldukdan sonra şâyed tarafeyn beyninde bir netîce-i
sulhiye hâsıl olur ise o misillü da'vâ içün ibtidâ-yı emirde istîfâ olunan rusûm
iâde olunmayacağından mâ'adâ mâdde-i sulhiyeyi musaddık olarak mahkeme cânibinden tanzîm
olunacak i'lâmâtın harcı dahi başkaca alınacakdır

Üçüncü Fasl
( Rusûm-ı kalemiye beyânındadır )

On ikinci madde mahkemelerce taht-ı karâr ve i'lâma alınacak de'âvî hakkında tanzîm
olunacak i'lâmât asıllarıyle sûretlerinin ve evrâk-ı sâirenin mutazammin oldığı
kelimâtın her iki yüz 'adedinden beş guruş resm ve bu resm varaka-i sahîha resminden
hâric tutulur

( On üçüncü )