30

Yirmi İkinci Madde
Li-ecli'l-hıfz mahkemeye bırağılan evrak ve senedat içün yirmi kuruş resm alınacakdır.

Yirmi Üçüncü Madde
Te'min-i deyn içün sekostro altına alınan emlak ve eşya içün masarif-i tebliğiyesinden maada yirmi beş kuruş resm alınacakdır.

Yirmi Dördüncü Madde
Medyunun taht-ı hacze alınmış hükm ve ilam olunan dükkan ve mağazasının taht-ı mühre alınması veyahud eşyay-ı mevcudesinin müzayidesi vukuunda yirmi beş kuruş resm alınacakdır.

Yirmi Beşinci Madde
Muamelat-ı hukukiye-i havi bir müfredat defterinin mahkeme kalemi marifetiyle tanzimi lazım geldiği halde müddet-i ikmaline değin mürur edecek vakit ve saate göre beher saati içün yirmi şer kuruş alınacakdır.

Yirmi Altıncı Madde
Li-ecli'l-hıfz hükümete tevdi ve ita olunacak akçe ve sair zi-kıymet eşyanın mikdar-ı nakd ve behasına göre yüzde yarım alınacakdır.

Yirmi Yedinci Madde
Umur-ı ticariyeye müteallik senedat meccanen tasdik olunur.

Dördüncü Fasıl
(Tazminat ve Mükafata Dairdir)

Yirmi Sekizinci Madde
Eğer müddei müddei aleyhin mahal-i ikametini beyan ve tayin edemez ise gazetelerle ilan veyahud masarif-i ihzariye içün ber-vech-i peşin altmış kuruş itasına mecburdur.

Yirmi Dokuzuncu Madde
Bir maddenin icra-yı tahkik ve tecessüsüyle mahal-i niza ve vakada istima-ı şuhud içün mahkeme azasından hariç şehre memur ve izam olunacak olanlar masarif-i rahiyye ve sairelerine mukabil maaşlarının mikdarına göre yüzde bir alacaklardır.

Otuzuncu Madde
Mahkemeye celb ve icab edüb hariç şehirde bulunan eşhas yedlerine ihzariye varakalarını götürüb teslim etmek üzere me'muran sevk ve izam olunacak mahkeme hademesine masarif-i rahiyeleri mukabilinde beşer kuruş ücret-i yevmiye ita olunacakdır.

Otuz Birinci Madde
Ehl-i hibreden olanların mahkemece malumatlarına müracaat olunduğu takdirde o iş içün vuku bulacak masarif hariç olduğu halde (kendilerine)