31

Kendilerine ayrıca verilecek ücretin mikdârını mahkeme tâyin ve tahsîs edecektir.

Otuz İkinci Madde
Mahkemeye celb olunacak şâhidlerin masârif-i vâkıaları mikdârını mahkeme tahsîs edecek ve ücret-i yevmiyeleri herhâlde beş kuruştan aşağı olmayacaktır.

Otuz Üçüncü Madde
Ehl-i hibre ve şâhidlerin şehrin hâricine sevk ve i'zâmları lâzım gelip de taraf-ı mahkemeden gönderildikleri hâlde a'zamî muayyen olan ücretten mâadâ otuz birinci ve otuz ikinci maddeler hükmünce azîmet ve avdet masrafları içün sâat başına beşer kuruş verilecektir.

Otuz Dördüncü Madde
Ehl-i hibre veyâ mahkeme a'zâsının hizmetten birile hâric-i şehre me'mûr ve i'zâm olundukları ve şâhidler dahi oraya celb edildikleri hâlde mahkemenin ba-i'lâm tâyin ve takdîr edeceği mikdâra göre masârif-i râhiyelerini müddeî ve müddeî aleyh ale't-tesâvî tesviye edeceklerdir.

Otuz Beşinci Madde
Kazâlar mehâkim ve aklâmının hâsılât-ı rüsûmiyesinden mâh-be-mâh hâsıl olacak mebâliğ livâ mâl sandığına gönderilecek ve orada dahi vâridât-ı vilâyet olmak üzere kayd tahtına alınacaktır.

Otuz Altıncı Madde
Mahkeme a'zâsının ve müstantıkların veyâ şâhid veyâhud ehl-i hibreden birisinin nâmına alınacak rüsûm sâhibleri yedlerine teslîm olunacaktır.

Beşinci Fasıl
( İstisnâ-yı Rüsûm Hakkındadır )

Otuz Yedinci Madde
Devâir-i resmiye-i hükûmet ve aklâmca resmen teâtî olunacak evrâk ve senedât içün ne varaka-i sahîha bahâsı ve ne de mahkeme resmi alınmayacak olup yalnız masârif-i mahkeme ahz edilecektir.

Otuz Sekizinci Madde
Fakr hâlleri olduğu mahkeme-i istînâf tarafından tasdîk ve i'lâm olunacak kesân mahkeme ve aklâm rüsûmıyla masârif-i terhîniyeden istisnâ edilecektir.

Otuz Dokuzuncu Madde
Rüsûmdan muâfiyet hakkını isbât içün müsted'înin kânûnun tâyin eylediği rüsûmu tesviye ve te'diyeye iktidârı olmadığına dâir sâkin olduğu kazâ...