41

Kâffe-i tebligat Reis-i Evvel’e ita olunur ve Reis dahi şayan-ı kabul olanları liecli’l-müzakere heyet tarafından müntehab üç azadan mürekkep bir komiteye havale eder.

Yirminci madde — Ticaret Odası’na irsal olunan muharrerat Reis-i Evvel ve mevcud olmadığı halde Reis-i Sani ve ikisinin dahi gıyabında müşavirlerin biri veyahut Başkatib tarafından açılır.

Yirmi birinci madde — Ticaret Odası tarafından taht-ı karara alınıp tanzim olunan muharrerat ve evrak-ı saire Reis-i Evvel ve gıyabında Reis-i Sani tarafından imza olunarak odaya mahsus mühür ile temhir edilir. Bila-imza yalnız mühür ile memhur evrak zuhur eder ise itibare şayan olmaz.

Yirmi ikinci madde — Beher sene ekseriyet-i ara ile azadan biri sandıkkâr-ı umumi sıfatıyla intihab olunur ve icabına göre muvazzaf ve kefilli olmak üzere hariçten sandıkkâr dahi tayin edilebilir.

Yirmi üçüncü madde — Ticaret Odası’nın ikametgâhı Dersaadet’in tüccar içtimaına suhuletli olan bir mahallinde bulunacaktır.

Yirmi dördüncü madde — Umur-ı ticariyeye dair hariçten tanzim olunup Ticaret Odası’nın müzakeresine arz olunacak evrak ve müsted'iyatta reis ve azanın imzaları bulunması caiz değildir.

İkinci Fasıl
( Ticaret Odası’nın Muamelatı )

Yirmi beşinci madde — Ticaret Odası’nın nizamname-i esasisinde tayin olunan vezaifinden maada âtiyyü’z-zikr muamelata dahi salahiyeti vardır.

Evvela: Mezkûr nizamnamenin on birinci maddesinde muharrer hususatı kayd etmek üzere heyet-i tahririye tarafından icab eden defterler tanzim olunur.

Saniyen: Odanın heyeti tarafından umum ilannameler neşriyle veyahut mahalli gazeteleri vasıtasıyla tüccar ve banker ve fabrikatörlerin müddet-i muayyene zarfında odanın defatir-i mahsusasına kayd olunmalarını davet eder.

Salisen: Odanın defatirinde mukayyed bulunan tüccarın taşraya azimet ve avdetinde ve ilan-ı iflas ve iade-i itibarı ve bunların cünha ve cinayetle maznun ve müttehem olup...