46

. . . . . . . . . ibâresi mahkûk olub o tab'da muâmelâtı icrâ
olunan bi'l-cümle evrâk mühür-i mezkûr ile temhîr edilecektir
İrâde-i seniye târîhi fî 20 Ramazan sene 98 ve fî 3 Ağustos sene 97

Mekteb-i Sanâyi' Nizâmnâmesinin on yedinci mâddesi

Mâdde-i sâbıkada beyân olunan şerâitin hâricinde olarak peder ve mâder ve akrabâsı olan
ve on üç yaşından aşağı bulunan bir çocuğun şûbe-i dâhiliyeye kabûlü taleb
olunur ise orada bulunacağı müddet beher sene masârifi içün her sene ibtidâsında on
iki lira ve hâricî şûbesine dâhil ediliyor ise kezâlik her sene ibtidâsında yalnız
altı lira alınub kabûl olunacak ve ücretle hâricî olarak alınacak talebenin elbisesi
ve sabâh ta'âmı mektebden verilecektir bunlardan hâsıl olacak akçe mekteb sanâyi'
vâridât kayd olunub nâzır ve müdîrlerin mühriyle ilmühaberi verilecektir
İrâde-i seniye târîhi fî 3 Zi'l-hicce sene 298 ve fî 14 Teşrîn-i Evvel sene 297

Mekteb-i Sanâyi' Nizâmnâmesine zeyl

Mekteb-i Sanâyi'in talebe-i dâhilesinden üçüncü ve dördüncü senelerin imtihânını verüb de
hâricde icrâ-yı san'atla taayyüş etmek içün mektebden çıkmak isteyenlere sınıf-ı mevcûdunun
uşrunu tecâvüz etmemek üzere kur'a keşîdesiyle ruhsat verilir ve bu sûretle
mektebden çıkanların onuncu mâdde mûcibince emniyet sandığına vaz' ve tevdî' olunan
yevmiyeleri işlemiş fâiziyle berâber kendilerine teslîm olunur ancak bu sûretle
çıkarılacak talebeye tekmîl-i müddet edüb de ustalıkla bi'l-imtihân çıkarılacak talebe gibi
müntehî şehâdetnâmesi verilmeyüb yalnız derece-i tahsîllerine göre üçüncü ve dördüncü
sınıflardan kalfalıkla çıktıklarını mutazammın birer varaka i'tâ kılınır
İrâde-i seniye târîhi fî 11 Muharrem sene 99 ve fî 31 Teşrîn-i Sânî sene 97

Harîr öşrü ta'lîmâtına zeyl

Ruhsat pusulası ve yâ öşür tezkiresi ile imrâr olunan kozaların mikdârı Teşrîn-i
Evvel ibtidâsından Mart nihâyetine değin altı mâh zarfında rutûbet te'sîrinden nâşî yüzde
(üç)