57

İkinci madde: Mebaliğ-i mezkûre usul ve nizamı dairesinde teşkil eden nevahi ve sandıkalara tahsis ve ita olunur.

Üçüncü madde: Nevahi ve sandıkalar tarafından iane talep olunduğu takdirde bu madde için umur-ı nafia ve ziraat ve ticaret müdüriyetine müracaat ederek ianeye ihtiyaç görünen esbabı bertafsil beyan edeceği gibi bina ve sairenin plan ve keşifnamesini irsal eyleyecektir.

Dördüncü madde: Müdüriyet-i mezkûre ianenin miktarını tayin edecek ve suret-i sarfına dahi nezaret eyleyecektir.

Beşinci madde: Nevahi ve sandıkalar ahz eyleyecekleri ianenin ne vechile sarf olunduğuna dair müdüriyet-i mezkûreye doğru hesap vermeye mecburdurlar. Müdüriyet-i mezkûrenin hesap-ı mezkûru tetkike hakkı vardır.

Altıncı madde: İta olunan ianenin usul ve yolunda ve tahsis olunduğu mevkide sarf olunmadığı anlaşıldığı takdirde müdüriyet-i mezkûre inşaatı tatil ile iane-i mezkûreyi nevahi ve sandıkalar istirdad edecektir.

İrade-i seniye tarihi fi 20 Rebiülahir sene 298 ve fi 25 Mart sene 297

***

Zabıta-i Belediye Hakkında Kanun-ı Vilayetdir

Nam-ı nam-i hazret-i padişahiye olarak nizamname-i dahilenin onuncu ve elli dördüncü ve dört yüz doksan beşinci maddeleri ahkamına tevfikan bin sekiz yüz seksen senesi teşrin-i sanisinin yirmi altıncı günü meclis-i umumi-i vilayetden kabul olunup lede'l-arz meriyeti hakkında müteallik buyurulan irade-i seniye ve mucibince valisi bulunduğum Rum İli Şarkı vilayetinde işbu kanunun mer'iyyü'l-icra tutulmasını ilan eylerim.

Birinci madde: Her nahiye müdürü ve geybubetinde muavinleri zabıta-i belediye reisidir. Bunlar kaza kaymakamlarının nezareti altında olarak kavanin-i vilayet ile vali ve vilayet tarafından sadır olan karar nameler ahkamını ve mutasarrıflar ve belediye meclislerinin kararlarını mevki-i icraya vaz ve husul-i intizam ve asayişe memurdurlar.

İkinci madde: Zabıta-i belediyenin vezaifi ahalinin emniyet ve asayişle ihtilatına ve emlakının muhafazasına ve şehrin tanzif ve tenvirine ve esvakda ve meydan ve yollarda mürur...