71

Olarak üçer guruş resm alınır rüsûm-ı mezkûre dört aylıkdan aşağı olan domuzdan alınmaz fî 20 Rebîülâhir sene 98 ve fî 25 Mart sene 97

Nam-ı nâmî-i Hazret-i Padişahîye olarak nizamname-i dahilînin onuncu ve elli dördüncü maddeleri mucibince bittanzim bin sekiz yüz seksen senesi Kânûn-ı Evvelinin dördüncü günü meclis-i umumî-i vilâyetden kabul olunub lede'l-arz mer'iyeti hakkında irade-i seniye-i Hazret-i Padişahî müteallik ve şeref-sudûr buyurulan işbu mebâdî-i tedris hakkındaki kanunnamenin valisi bulunduğum Rum İli Şarkî Vilâyetinde mer'iyyü'l-icra tutulmasını ilan eylerim.

( Rum İli Şarkî Vilâyetinin Mebâdî-i Tedris Hakkında Kanundur )

Kısım-ı Evvel

( Tertib-i Ahval-i Tedrisiye )

Fasl-ı Evvel

( Mevadd-ı Esasiye )

Birinci Madde: Rum İli Şarkî Vilâyetinde emr-i ta'lim ve tedris serbestdir serbestî-i tedris ahlak ve kabiliyet hakkında mevzu şurûta göre ve hükümetin âdâb ve intizam-ı umumî ve riayet-i kavanin-i memleket cihetiyle vaki olacak nezareti altında cari olacakdır.

İkinci Madde: Bilâ-istisna bilcümle mekatib ve terbiyeye mahsus tesisatın emr-i nezareti Maarif-i Umumiye Müdürüne aid olub mumaileyh bunu kavanin ve nizamnameler mucibince müfettişler vasıtasıyla icra eyleyecekdir.

Üçüncü Madde: Rum İli Şarkî Vilâyetinde mütevattın bilcümle milletler maarif-i umumiye hukukunca müsavat üzere tutulub herkes dilediği lisan ve meslek-i ilmiyyeyi tahsilde muhtardır.

Dördüncü Madde: Mekatibin idare-i dahiliye ve hususiyesi ve muallimlerinin nasb ve tayini maddeleri mekatibin masarıfını tesviye eden cemaat-i mezhebiyeye aiddir.

Beşinci Madde: Cemaat-i mezhebiyeden hiçbiri kendi mekteblerinde kendi lisanında başka...