73

On dördüncü madde mebâdî-i tedrîsin derece-i ûlâsı âtîdeki mevâdd-ı ilmiyeyi şâmildir
(1) İlm-i edyân ve âdâb
(2) Ana lisânı
(3) İlm-i tabîat ve mevâdd dersleri
(4) Hisâb
(5) Târîh ve coğrafyâ
(6) Hüsn-i hat ve resim
(7) Mûsikî
(8) Jimnastik
(9) Hâneye mahsûs inâs el işleri

On beşinci madde derece-i sâniye mebâdî-i tedrîsiyesi dahâ vüs'atli sûretde olarak derece-i ûlâ mevâdd-ı tedrîsiyesinin aynıdır

On altıncı madde mevâdd-ı tedrîsiyenin hudûd-ı derecesi ve bunların şu'be ve sınıflara taksîm ve tertîbi kânûn-ı mahsûs ile vaz' olunan bir proğram-ı umûmî ile ta'yîn olunacakdır

On yedinci madde mekâtib-i ibtidâiye-i umûmiyede isti'mâl olunacak kütüb ve resâil proğram-ı umûmîde vaz' olunan esâsa tevfîkan tertîb olunmuş ve Maârif İdâresinden tensîb buyurulmuş kütüb resâilden ibâret olacakdır

On sekizinci madde mekâtib-i ibtidâiyede bunların âid olduğu cemâatin lisânı üzerine ta'lîm ve tedrîs olunur

On dokuzuncu madde ahâlîsi bir mezhebden ibâret bulunan her bir şehir ve kariyenin ve muhtelit bulunan mahallerde her bir fırka-i müntehibenin akall bir mekteb-i ibtidâiyesi bulundurulacakdır Ancak esnân-ı ta'lîmde bulunan sıbyânın adedi otuz neferden aşağı bulunan kurâ ve fırkalar bu mecbûriyetden müstesnâ tutulur ise de bunların dahi her birinden üç kilometrodan uzak bir mesâfede olmamak şartıyla bir merkez-i münâsibde müştereken kendi masârifiyle mekteb küşâd etmeleri lâzım gelir

Yirminci madde atfâl-ı inâs ve zükûruna mahsûs ayrı ayrı mekteb küşâdı mümkin olmayan mahallerde sancak mekâtib meclisinin tensîbiyle derece-i ûlâ mebâdî-i tedrîs zükûr ve inâsa birlikde olarak bir mekteb tedrîs olunabilir

10