81

Ve gerek kaza mekteb müfettişinin şikayeti üzerine kaza hakimi veyahud tekasül eden veliler
hakkında mücazat tayin eder.
İşbu mücazat (1) mekteb sandığı menfaatine münhasır olmak üzere on guruşdan
yüz guruşa kadar cezayı nakdiden (2) üç güne kadar tevkifden ibaretdir.
Yetmişinci madde - İşbu mevad-ı sabıkada muharrer ahkama tevfikan hareket etmeyen gerek
nahiye müdiranı ve gerek mekatib encümenleri ve gerek muallim haklarında kaza mekteb müfettişinin
şikayeti üzerine kaza hakimi mücazat tertib eder.
Yetmiş birinci madde - Mektebe göndermeyi veyahud hanesinde okutdurmağı taahhüd etdikçe
asla bir kimesne esnan-ı talimde olan çocukların birini sanata veyahud hizmetkârlığa almağa
muktedir değildir.
Kendi hanelerinde talim eden etfal sene-i tedrisiye nihayetindeki imtihan-ı alenide imtihan edilür.

Beşinci Fasıl

( Mekatib-i İbtidaiye'nin masarif-i inşaiye ve idaresi hakkındadır )

Yetmiş ikinci madde - Mekatib-i ibtidaiye-i umumiyede talim ve tedris meccanen icra edilir.
Yetmiş üçüncü madde - Mekatib-i ibtidaiye-i umumiyenin masarifi bunların aid olduğu nahiye
ahalisi ve cemaat-i mezhebiyesi tarafından tesviye olunur. İşbu masarif atiyyü'z-zikr
sarfiyattan ibarettir:
(1) Mektebin inşası
(2) Mekteb binalarının tamiri
(3) Mekteb kütüphanesiyle sair levazımat-ı tedrisiyesi ve odun kömürü gibi havaicin tedarik ve mübayaası
(4) Muallimlerin iskanına mahsus mekan ile bunların muhassasat ve muallim içtimaları içün lazım gelen masarifat
Yetmiş dördüncü madde - Balada gösterilen masarif kaffesini nahiye ve cemaat ahalisinin
taht-ı mecburiyetinde olarak atiyyü'z-zikr suretle tesviye olunur.
(1) Mekteb akarlarından
(2) İbadethaneler varidatından
(3) Mektebe vuku bulan teberruat ve vasiyetlerden

11