82

(4) İşbu kanunun cevaz verdiği cezayı nakdîden
(5) Nahiye ve kasabâta mahsus varidatdan ve vergilerine nisbeten zam olunub nahiye büdçesinde mukayyed bulunan akçeden

Yetmiş beşinci madde Bir nahiye veya nahiye fırkasında bir mektebin te'sis ve tanzimi lüzumu hükümetçe anlaşılıb karar verildiği halde o mektebin te'sis ve idaresiçün lazım gelen masarifin tesviyesine nahiye ve nahiye fırkası ahalisi mecbur tutulur işbu mecburiyet iki üç ve daha ziyade nahiye tarafından müştereken inşa olunacak nevahi ve kaza mekteblerinin te'sis ve idarelerine dahi şümulü vardır

Yetmiş altıncı madde Mekteblerin inşaat ve idareleri içün lazım gelen masarifi belediye ihtiyar meclislerinden biri büdçede göstermemiş veya gayr-i kâfi mikdarda dahil etmiş olur ise kaza kaymakamı onları re'sen derc ve idhal eder ve bunların tevzi ve tahsiline müsaraat eyler

Yetmiş yedinci madde Mekteb inşa olunacak mahallin kasaba veyahud nahiye cemaatinin emlakinden olub mürtefi ve rutubetden ari ve çocukların adab ve sıhhatlerine halel getirecek ebniyeden uzak bir mevkide ve anda okuyacak etfal hanelerinin mehmâ-emken vasat bir merkezinde kâin olması lazım gelir

Yetmiş sekizinci madde Hiçbir mektebin resmi ve keşfiyat-ı inşaiyesi sancak komisyonu tarafından tensib olunmadıkça inşasına mübaşeret edilmek caiz olamaz mekteblerin binaları ise bunlara mahsus resimlerine ve maarif idaresinden mevzu inşaat kavaidine muvafık olmak lazım gelir

Altıncı Fasıl

( Mekatib-i ibtidaiye içün vilayet ianeleri hakkındadır )

Yetmiş dokuzuncu madde Mekatib te'sis ve idaresine lazım gelen kâffe-i masarifi tesviye etmeğe iktidarları olmayan nahiye veyahud mezheb cemaatleri içün eyaletin her seneki büdçesinde münasib mikdar iane tahsis olunur

Sekseninci madde Büdçede gösterilmiş mekteb ianeleri mikdarı nizamname-i dahili vilayetin üç yüz kırk dokuzuncu maddesine tevfikan cemaat-i muhtelife-i mezhebiyeye taksim ( olunub )