134

İstikrazın re’sü’l-mâlına ilâve olunacağından bu sûretle her bir istikrazın tenzil edilmiş
fîâtları âtîde gösterilen fîât-ı kat’iyeye bâliğ olur

1858 ............ İstikrazı yüzde ............ 93,15
1860 ............ » » ............................ 62,90
1862 ............ » » ............................ 74,50
1863-64 ....... » » ............................ 76,30
1865 ............ » » ............................ 71
1869 ............ » » ............................ 62,40
1872 ............ » » ............................ 107,75
1873 ............ » » ............................ 55,25
Düyûn-ı Umûmiye ............................ 50,25
Rumeli Demiryolları Tahvilâtı .......... 45,09

(Se) Binâenaleyh bâlâda zikr ve ta’dâd olunan istikrazât tahvilâtı bin sekiz yüz yetmiş
altı senesi Nisanından i’tibâren bin sekiz yüz seksen iki senesi şehr-i Martı dâhil
olmak üzere şehr-i mezkûra kadar te’diye olunmamış kuponları hâvî oldukları hâlde
(Te) işâretli fıkrada her istikraz içün gösterilen fîâtlara muâdil bir mikdâra
tenzil edilecektir.

Fî 6 Teşrîn-i Evvel sene 1875 târîhli kararnâmeye tevfîkan kur’ası çıkan tahvilâtın
nısfı içün verilüp (Elif) işâretli fıkrada beyân olunan « Ramazan » unvanlı
senedât-ı muvakkata kur’ası ikrâmiye ile çıkan Rumeli Demiryolları tahvilâtı müstesnâ
olmak üzere (Te) işâretli fıkrada gösterilen fîât ile âid oldukları istikrazât
senedâtına tahvil edilecektir.

«İhtâr» melfûf cetvelde Rumeli Demiryolları tahvilâtı istikrazının re’sü’l-mâl
mütebâkîsi deyü gösterilen otuz bir milyon beş yüz sekiz bin İngiliz lirası kur’ası
ikrâmiye ile çıkıp da te’diye olunmamış olan tahvilâtın re’sü’l-mâl i’tibârîsini ya’nî
tahvilât başına dört yüz frangı şâmil olub bu re’sü’l-mâlin bedel-i i’tibârîsiyle
tahvilât-ı mezkûreye kur’a ile isâbet eden meblağ beynindeki fark tedâhüldeki fâizlere
tahsîs edilen meblağa dâhildir.

(İkinci)