135

İkinci Madde — Fi 6 Teşrin-i Evvel sene 1875 tarihli kararnameye tevfikan (re’sü’l-mal-i i’tibariyi bi’t-tenzil) nısf faiz ve ikramiyeler içün tedavüle çıkarılan «Ramazan» ünvanlı senedat-ı muvakkateye birinci maddenin (b) işaretli fıkrasında muharrer yüzde on zammından isabet iden meblağ senedat-ı muvakkate-i mezkûrenin aid oldukları istikrazat senedatına tahviliyle tesviye edilecektir.

İşbu senedat-ı muvakkatenin bedel-i i’tibarisi mecmu faizler içün kabul olunan nisbet üzere tenzil ve melfuf cetvelin on birinci sütununda muharrer rakamlar üzerine hisab edildikde âtiü’z-zikr fi’atlar hasıl olur:

1858 İstikrazının faiz senedatı yüzde 23,26
1860 ” ” ” ” 15,29
1862 ” ” ” ” 18,12
1863–64 ” ” ” ” 18,553
1865 ” ” ” ” 17,26
1872 ” ” ” ” 17,20
Düyun-ı Umumiye ” ” ” ” 14,78
Rum İli Timur Yolları Tahvilatı ” ” 19,18

Maamafih Yetmiş İki istikrazı kuponları içün verilen senedat-ı muvakkate âtîde beyan olunacak ikinci tertip istikrazattan birinin senedatına (on ikinci madde) bâlâda muharrer fi’atlar ile tahvil edilecektir.

Üçüncü Madde — Suret-i tesviye-i hazıra üzerine Düyun-ı Umumiye-i Osmaniye’nin tenzil edilmiş mikdarı:

Evvela her istikrazın elyevm tedavülde bulunan tahvilatının birinci maddenin (t) işaretli fıkrasında gösterilen fi’atlara tenzil edilen bedelinden

Saniyen nısf tahvilat içün tedavüle çıkarılan senedat-ı muvakkateye mukabil verilmiş tahvilat bedelinden (birinci maddenin (s) işaretli fıkrası)

Salisen nısf faiz ve ikramiyeler içün tedavüle çıkarılan senedat-ı muvakkateye mukabil verilmiş tahvilat bedelinden (ikinci madde) mürekkeb olacaktır.

İşbu nizamnamenin cüz-i mütemmimi olan melfuf cetvel Düyun-ı Umumiye’nin tenzil