155

Sâniyen idâre masârif-i umûmiyesi içün idilen te’diyâtın mecmû‘unu
Sâlisen melfûf mukâvelenâmede beyân olunan tahvîlâta mahsûben virilen mebâliği
Râbi‘an üçünci mâddede beyân olunan deynin tesviye-i takâsîti içün Avrupa’ya irsâl
olunan mebâliği
Hâmisen Dersaâdet ve eyâlâtda sandığın berây-ı nihâyetindeki mevcûdunu mübeyyin
olacakdır
Cedvel şehrî âid oldığı ayın hitâmından nihâyet bir ay soŋra i‘lân olunacakdır
Meclis hâmillerce ma‘lûmât olmak üzere her sene idâresinin sûret-i cereyânı mübeyyin
bir mazbata neşr ve i‘lân edecekdir
On sekizinci mâdde Vâridât-ı Muhassasa İdâresi Hükûmet-i Seniyye’nin teftîşe tâbi‘
olacakdır
Hükûmet-i Seniyye’nin işbu emr-i teftîşi kendi tarafından intihâb ve idâre-i mezkûre nezdine
ta‘yîn olunacak bir komiser ve müfettişler vâsıtasıyla icrâ eyleyecekdir
Devlet-i ‘Aliyye komiseri meclisin her ictimâ‘ına da‘vet olunacak ve meclisde istişâre
tarîkıyla hâzır bulunacakdır
Cânib-i Hükûmet-i Seniyye’den meclise ve meclis tarafından Hükûmet-i Seniyye’ye vukû‘bulacak
bi’l-cümle teblîgât komiser ma‘rifetiyle icrâ olunacakdır
Her müfettişin dâire-i vazîfesi Hükûmet-i Seniyye tarafından ta‘yîn idilecekdir
Komiser ile her müfettişin Dersaâdet’de meclis tarafından bir me’mûr ve eyâlâtda şu‘be müdîrleri
hâzır oldukları hâlde meclis ile me’mûrlarının idâresine kesb-i ma‘lûmâta ve defâtir ile
aŋa müte‘allik evrâk-ı sâireyi tedkîka ve sandıkları mu‘âyeneye hasbe’l-vazîfe hakkı olacak
ise de bunlar emr-i idâreye aslâ mudâhale edemeyeceklerdir
Dersaâdet’de meclis ve eyâlâtda meclis me’mûrları (bunlar dirîg-i mu‘âvenet edemeyecek
olan şu‘be müdîrleri hâzır oldukları hâlde) komiser ve müfettişlere umûr-ı teftîşiyyenin
icrâsıca iktizâ eden bi’l-cümle ma‘lûmât ve îzâhâtı i‘tâya mecbûr olacaklardır
Müfettişlerin ma‘âş ve harcırahlarıyla ale’l-‘umûm devlet tarafından hidemât-ı muhtelifece
icrâ olunacak zâbıta ve nezâretden münbais tekâlîf Hükûmet-i Seniyye’ye âid olacak
ve komiser ma‘âşı meclis tarafından tesviye edilecekdir