181

Tahvilat-ı mezkûrenin beheri yirmi iki lira-yı Osmani veyahut yirmi lira sterlin veya
beşyüz frank kıymetinde veyahut tamamiyle bu mikdarların az'afını natık olacaktır
Zikr olunan tahvilat mevcud numune vechle tanzim olunup canib-i hükümet-i seniyyeden
imza olunacağı misillü kabulü mutazammın olmak üzere salifü'z-zikr meclis-i idare tarafından
dahi imza olunacaktır
Tahvilat-ı mezkûreye Londra ve Paris borsalarında kot istihsal olunmak üzere
saltanat-ı seniyye vesatet buyuracaktır
Fi 1 ve 13 Kanun-ı Sani sene 1882 tarihinden itibaren zikr olunan meclis-i idarenin
zir-i idaresine geçecek olan rüsum-ı sittenin hasılat-ı safiyesinden senevi bir suret-i
mümtaze ve birinci derecede olarak beşyüz doksan bin lira-yı Osmani bi'l-ifraz mezkûr
tahvilatın takasit-i seneviyesine tahsis olunacaktır
İşbu tahvilatda tahsisat-ı mezkûre tasrih olunacak ve bunlar devlet-i aliye damga
resminden muaf olacaktır
Tahvilatın masarif-i tanzimiyesi diğer taraf-ı muakidlerine aid olacaktır Tahvilat-ı
mezbûrenin faiz-i seneviyesi yüzde beş olup her sene Mart ve Eylül aylarının Rumi
ibtidalarında yani altı aydan altı aya mukassatan te'diye olunacaktır
Tahvilat-ı mezkûreye fi 1 ve 13 Kanun-ı Sani sene 1882 tarihinden itibaren
faiz yürütüleceği cihetle birinci kuponu sekiz aylık faizi natık olmak üzere
fi 1 ve 13 Eylül sene 1882 tarihinde te'diye olunacaktır
Salifü'z-zikr beşyüz doksan bin lira-yı Osmani tahsisat-ı seneviyeden tahvilat-ı
mezbûrenin yüzde beş faiz-i seneviyesi ve zirde beyan olunan komisyon aşağı
varıldıktan sonra baki kalan mebaliğ re'sü'l-male mahsub edilecektir
Tahvilatın re'sü'l-mal te'diyatı tarafeyn-i muakideyn beyninde müceddeden tanzim olunacak re'sü'l-mal
cedveline tatbikan kur'a keşidesi suretiyle başa baş ifa olunacaktır
Tahvilatın kur'ası Ağustos ve Şubat aylarında Meclis-i İdare marifetiyle Dersaadet'te
alenen keşide olunacaktır
Kur'ası isabet eden tahvilat bedelatı müteakiben duhul edecek kupon taksitinin
hululünde te'diye ve ifa olunacaktır