36

Yedi senesi Martı ibtidasından i'tibaren merbut cetvelde gösterildiği üzere altı sene
zarfında tamamen te'diye olunacağından ashab-ı matluba verilecek tahvilat her senenin
fâiz ve re's-ül-mâle mahsub akçesini havi iki kuponu olmak ve her sene Ağustos
ve Şubat gayelerinde va'deleri duhul etmek üzere on iki kuponlu olacak fakat
birinci altı aylık taksitinin fâizi verilmeyecekdir ve bu kuponlar aid olduğu seneler
varidatına mahsuben bila-istisna mîrî sandıklarından ve gümrük idarelerinden taksitleri
duhulünde nakd akçe gibi kabul olunacakdır.

Hâtime

İşbu istikraz içun çıkarılacak tahvilatdan iştira etmek haricden talib
olanlara dahi başa baş satılması caiz olacakdır.

Fi 8 Rebiülevvel sene 98 ve fi 27 Kanun-i Sani sene 96

Meclis-i Mebusanın içtimaında kanuniyeti tasdik olunmak üzere icray-ı
ahkamına Meclis-i Vükela kararıyle bil-istizan irade-i seniye-i hazret-i
Padişahi müteallik buyurulan maaşat karar namesidir.

Bab-ı Evvel

( Memurin-i İdare Maaşatı Beyanında )

« Kısım Evvel »

( İdare-i Merkeziye Maaşatı )

Birinci Fasıl

( Vükelay-ı Devlet )

Birinci Madde: Başvekalet maaşı yirmi beş bin ve Meşihat-ı İslamiye maaşı tarika
mahsus maaşdan başka yirmi bin ve vükelay-ı saire maaşatı yirmişer bin kuruşdur.

25000 Başvekalet
20000 Meşihat ... tarika mahsus maaş dahi başkaca verilecekdir
20000 Dahiliye Nezareti
20000 Şura-yı Devlet Riyaseti
20000 Devair Teftişliği