33

Dahiliye

verilüp muhakemeden kurtulmak icab eder ise keyfiyet umur-ı iflasiyeye me’mur olan hey’et tarafından posta idaresine bildirilcek ve bu misillü mektublar hey’et-i mezkûrenin me’mur edeceği adama ilmühaber ahziyle teslim kılınacakdır.

Yirmi dördüncü madde: Posta me’murlarının hatasından veya zarfın üzeri fena yazılmış bulunmasından veyahud ahar sebebden naşi diğer bir mahalle gidecek iken yanlış gelmiş olan mektublar mürselünileyhi ma’lum olur veyahud mahalli tahkik olunabilir ise zarfın üzeri bulunduğu mahallin ism ve şöhretine göre tashih olunarak oraya irae ve bilinmediği suretde geldiği mahalle iade olunacak ve bu misillü mektublar çantanın havi olduğu evrak için tanzim olunan jurnale işaret kılınacakdır.

Yirmi beşinci madde: Teb’a-i ecnebiyeden izhar-ı iflas edenlerin kançılaryaları tarafından istenilen mektubları için postahaneye gelen kançılarya me’murunun yedinde bulunacak tezkere-i da’vâ-yı hariciye icra me’muriyeti canibinden ve taşrada hükûmet-i mahalliye tarafından musaddak bulunması iktiza eder muamelat-ı meşrua ve hakkın tamamıyla icrasından evvel sahibine teslim olunmuş mektublardan dolayı posta idaresi kat’a mes’ul tutulamaz.

Yirmi altıncı madde: Postaların esna-yı naklinde hurc veyahud çanta derununda olanların zarfları yırtılmış veya açılmış mektublar posta hanelere vürûdunda derhal dört tarafından ince iplik ile bağlanıp ipliğin düküm mahalli posta mührüyle mühürlendikten sonra tevzi olunmak üzere müvezzi’lere verilecek ve bu makule mektubların her ne bahane ile olur ise olsun açılıp kırâat olunması ve ya etdirilmesi caiz olamayacakdır.

* Dördüncü Fasıl *

( Taahhüdli Mektublar )

Yirmi yedinci madde: Taahhüdli mektublar için mekatib-i adiye ücretinin iki misli istifa olunup mürselünileyhden vusûl ilmühaberi istihsaliyle mürsele irâeye posta hane mecburdur.

( Yirmi )