35

Posta Nizâmnâmesi

ile haber mes'ûl ibâresi yazılmayan mektûblarını nakl etmekden memnû'durlar. Buna mugâyir hareketde bulunanlar hakkında sekizinci mâddenin hükmü icrâ olunacakdır.

Otuz dokuzuncu mâdde: Her posta hâne bulunan mahalleri kurâ-yı tecâvür beyninde sûret-i muntazama ve dâimede olarak mahsûsan postalar işletilecekdir. İşbu postaların işletilmesini me'mûr bulunmayan kariyenin ümenâsından birine havâle etmeğe Posta İdâresi me'zûndur. Ol hâlde kullanılacak adamlara yüzde beşden nihâyet yüzde yirmiyi tecâvüz etmemek üzere bey'iye i'tâ kılınacak ve postayı te'ahhüd eyleyenler mekâtib ve evrakı ashâbından paraca masraf almayarak yerlü yerine tevzî' etmeğe mecbûrdur.

Beşinci Fasıl

( Ücretli Nümûne ve Emânât ve Eşyâ-yı Sâire )

Kırkıncı mâdde: Postalarla irsâl olunacak emti'a-i ticâriye nümûneleri ve eşyâ-yı sâire paketleri içinde mektûb olmadığı ve bir tarafında el yazısıyla muharrer ve muhâbereye müte'allik kelimât bulunmadığı bi's-sühûle teftîş ve tahkîk olunabilecek sûretde bağlanmış olmak lâzım gelecek ve bunlar ağaçdan veyâ temür ve tenekeden masnû' kutulara vaz' olunacak ve posta hâneye açık olarak getirilüb ba'de'l-mu'âyene kapaklanarak temhîr kılınacakdır. Bu nev' kutulara iktizâsına göre posta hânede şem' dahi sarılub ücreti sâhibi tarafından te'diye olunacakdır.

Kırk birinci mâdde: Ale'l-umûm eczâ-yı nâriyenin postalara kabûlü câ'iz olmadığı gibi postalarla nakli mu'tâd ve mümkin olan eşyâ-yı mâyi'a dahi evrâk bulunan hurc derûnuna konulmayacakdır.

Kırk ikinci mâdde: Postalarla irsâl olunacak eşyânın gümrük tezkireleri görülmedikçe kabûl olunmayacakdır.

Kırk üçüncü mâdde: Emânet sigortalı ve sigortasız olarak iki kısım olub bunlar şerâit-i muhtelife ile irsâli Posta İdâresi cânibinden te'ahhüd olunacağı gibi sigortalı olan emânetler her ne sebebe mebnî olur ise olsun zâyi' veyâ gâib