( 38 )
Dahiliye

Zât ise ma'ruf adamını gönderüp usûlüne tevfîkan ahz etdirmesi câiz olacakdır.

Elli dördüncü madde Taşra postahanelerinden gelüp sahibleri tarafından ahz olunmayan emânât ve nümûneden mektûbu olanların ashabı zuhûrunda i'tâ olunmak üzere mektûbiyle beraber tevkîfiyle bu bâbda mekâtîb-i mevkûfe hakkında olan fasıl hükmüne tevfîkan hareket olunacak ve mektûbu olmayan nümûne ve emânetin dahi postahane vâsıtasıyla üç mâh ashabı bi't-taharrî zuhûr eder ise usûlü vechle i'tâ ve bulunmadığı takdîrde mürseline beyân-ı keyfiyet olunmak içün emânetin mevkûf olduğu postahane ile emâneti gönderen postahane beyninde muhâbere-i muktaziye icrâ olunacak ve mürseli dahi bulunmaz ise dokuz ay daha tevkîf olundukdan sonra senesi hitâmında üç mâh daha gazetelerle i'lân kılınarak yine zuhûr etmediği sûretde mezkûr emânât postahane meclisinde ta'dâd olunup vezneye ve nümûneler dahi kezâlik fürûht ile akçeleri vezneye i'tâ ve vâridât-ı gayr-i mukarrere nâmıyla îrâd kayd edilecektir.

Yedinci Fasıl

( Evrak-ı Mevkûfe )

Elli beşinci madde Evrak-ı mevkûfe evvelâ mürselünileyh tarafından kabûlünden imtinâ olunan, sâniyen kime olduğu üzerinde işâret olunmayan, sâlisen seyâhatde veyâhud seyâhatde bulunan sefâin kapudan ve tâifelerine olan, râbian mürselünileyhi vefât etmiş olan mektûb ve gazetelerdir.

Elli altıncı madde Bir mektûbu mürselünileyh kabûl etmediği hâlde üzerine der-hâl kabûl olunmamışdır ibâresi yazılacaktır. Bir mektûbun mürselünileyhi mechûl bulunduğu veyâhud ma'lûm ise tebdîl-i mekân ederek nereye gitdiğine dâir ma'lûmât alınamamış olduğu hâlde bu misillü mektûblar üzerine de mechûl veyâhud mekânı nâ-ma'lûm kelimeleri tahrîr olunacaktır. Mürselünileyh vefât ederek vârisleri nâ-ma'lûm olur veyâhud

( Vârisleri )