42

( Dahiliye )

kadar dört ve beş yüzden bine kadar altı guruş ve binden yukarı ve beher bin için
dört guruş ücret zamm olunacaktır.

Dördüncü Madde — İki mütecavir vilayetin hududu civarında kâin postahanelerin
yekdiğeriyle taati edeceği altın ve gümüş emanat-ı nakdiyeden dahil-i vilayet ve demir
yolu ve araba yolu hesabına kıyasen ücret ahz olunacak ve fakat bunlardan gayrı bir
vilayette kâin bir postahaneden diğer vilayet-i mütecavire postahanesine mahsus
olan emanat-ı nakdiyeden balada gösterilen ücretin iki katı alınacaktır.

Beşinci Madde — Vilayat-ı gayr-ı mütecavire postahanelerinin yekdiğerine sevk edeceği
altın ve gümüş emanat-ı nakdiyeden balada sevahil ve saire için tayin olunmuş
olan ücretin üç katı alınacaktır. Emanat-ı nakdiye için tayin olunan salifü’l-mikdar
ücurat altın veya gümüş olarak istifa olunur.

( Gazete Ücuratı Tarifesi )

Altıncı Madde — Beher gazetenin bir dirhem-i a’şarisinden « gram » on beş dirhem-i
a’şariye kadar beş ve on beşden otuza kadar on ve otuzdan yukarısı için
yirmi para ücret alınacaktır.

( Eşya Ücreti Tarifesi )

Yedinci Madde — Kütüb-i mütenevvia ve resail-i gayr-ı mevkute ve eşya-yı ticariye numunesi
ve resim ve musiki notası ve kütüb-i mütenevvia eczası ve saire için bir dirhem-i
a’şariden elli dirhem-i a’şariye kadar yirmi para ve elliden yüze kadar bir guruş
ve yüzden iki yüze kadar beher yüz dirhem-i a’şaride birer guruş ücret alınır.

İrade-i seniye tarihi fi 2 Şaban sene 99 ve fi 7 Haziran sene 98

( İstimlak )