56

Dahiliye

Bil-tanzim makam-ı celil-i vekalet-penahiye takdimi lüzumu gösterilen Gerek kaza ve livaye ve Kerkük vilayetinin umumuna mahsus olan nüfus icmallerinin hin-i tanziminde her kaza ne kadar mahalle ve nahiye ve karyeden ve bunların her biri ne mikdar zükûr ve inasdan ve liva dahi maa merkez ne mikdar kazadan ve her kaza yerli ve yabancı ne kadar zükûr ve inasdan ve vilayet dahi kaç aded elviyeden ve her liva yerli ve yabancı ne kadar zükûr ve inasdan ibaret olduğu vel-hasıl dahil-i vilayetde gerek yerli ve yabancı ne kadar nüfus tahrir olunup bunların umumu ne mikdar zükûr ve inas idüği bilinmek üzere kazaca ber-vech-i muharrer mahalle be-mahalle ve nahiye be-nahiye ve karye be-karye ve livaca maa merkez kaza be-kaza ve vilayetçe dahi merkez-i liva be-liva yekûn vechle gösterilecek ve kazalardan gelecek icmaller livaca yapılacak icmal ile maan vilayete ve livadan varid olan kaza icmalleriyle bunların umumunu havi bulunan liva icmalleri dahi birleştirilerek vilayetçe tanzim olunan icmal-i umumi ile beraberce ba-mazbata makam-ı celil-i vekalet-penahiye takdim ve bunların birer nüshaları mahallerince çıkarılıp icabı halinde müracaat olunmak içün kaza icmali kazanın ve liva icmali livanın ve icmal-i umumi dahi vilayetin idare meclislerinde hıfz edilecektir. Mezkûr icmallerde nüfus-ı müslime başka ve nüfus-ı gayr-i müslime dahi cemaat be-cemaat başka başka gösterilecektir.

İşbu tarifname haricinde bir şey zuhurunda mahallerince bil-kıyas icabı icra olunmak tabiidir.

Fi 21 Zilhicce sene 298

Müdür ve Kaymakamlık İntihabına Mahsus Komisyonun
Suret-i Teşkil ve Vezaifine Dair Talimatdır

Birinci Madde: İntihab komisyonu Dahiliye Nezaret-i Celilesinin nezareti ve ba-irade-i seniye tayin buyurulacak bir zatın riyaseti tahtında olarak altı azadan mürekkebdir.

( İkinci Fasıl )