81

( Memurin-i Mülkiye Kararnamesi )

ise ita olunmak ve faizi cemiyet-i umumiyece tahdid ve tayin edilmek ve başka suretle
erbahı caiz olmamak üzere tekaüd sandığının sermayesi en muteber ve mütemen bankalara
ita ile tenmiye olunacak ve teslimat ve makbuzat için sandık nezaretiyle banka beyninde
bir hisab-ı cari açılacaktır.

Altmış dördüncü madde — Bu sandığın bilcümle ahz ve itası hazine fiyatıyla olacaktır.

Altmış beşinci madde — Her ay zarfında sandığın hülasa-i muamelatını mübeyyin muhasebeden
bir kıt'a cetvel tanzim ve ziri muhasebeci tarafından tasdik ve temhir olunarak nezarete
bil-ita meclis-i idarece tetkik olunduktan sonra nezaretin tezkiresiyle Şura-yı Devlet’e
gönderilip oraca dahi bil-tetkik yolunda görülür ise tasdik olunarak yine
tekaüd sandığı nezaretine iade kılınacaktır.

Altmış altıncı madde — Sandığın sermayesi bulunmadığı halde verilecek tekaüd
istidaları tarihleri sırasıyla mevki-i icraya konulur.

Altmış yedinci madde — Sandığın suret-i idaresi ve sair muamelatı nizamname-i dahilisi
ahkamına tevfik olunacaktır.

Altmış sekizinci madde — Tekaüde istihkakı olmadığı halde istihkak-ı ca’li ve ya nam-ı
müstear ile aharın hizmet ve meziyetinden istifadeye teşebbüs eden olur ise cevab
verilir ve töhmetinin şekil ve derecesine göre kanunen ceza dahi görür.

Altmış dokuzuncu madde — İşbu kararnamenin tadil olunan ahkamı mevki-i icraya
vaz’ından sonraya şamil olup ondan evvel tekaüdü icra olunanların suret-i
tekaüdleri tadilat-ı ahireye tevfik olunmaz.

İrade-i Seniye tarihi: Fi 13 Şevval sene 1298 ve fi 26 Ağustos sene 1297

( Umum Tekaüd Sandığından istifade edemeyen memurin-i kadimeye )
( ve anlardan vefat edenlerin eytam ve eramiline tahsis )
( olunacak maaşlara dair nizamnamedir )

Birinci madde — Doksan altı senesi Martından geriye on sene içinde infisal
6