Büyük Dil Modeli Tarafından Üretilen Metin
96
Adliye
Ecanibin Hakk-ı İstimlakı Kanununun Birinci Maddesinde İstisna Olunan Eşhasın Emlak ve Arazisine Mahsus Kanundur — M — [1]
Birinci Madde — An asıl tebaa-i Osmaniyeden iken Tabiiyet-i Osmaniye Kanununun neşrinden mukaddem tebdil-i tabiiyet etmiş olub da senedat-ı ahdiye mucibince taraf-ı Devlet-i Aliyeden tabiiyet-i ecnebiyeye duhulleri kabul ve tasdik olunmuş olanlar ve kanun-ı mezkûrun neşrinden sonra ahkamına muvafık suretde tebdil-i tabiiyet edenler ecanibin istimlakine dair 7 Safer sene 84 tarihli kanunun vazaif-i mahsusa tahtında tayin eylediği kâffe-i hukukdan müstefid olurlar. Ancak tabiiyetine girdikleri devletin zikr olunan istimlak kanununa merbut zabıtayı imza etmiş olması şartdır.
İkinci Madde — Devlet-i Aliyeden mezuniyet-i resmiye istihsal etmeksizin tebdil-i tabiiyet edib de taraf-ı Devlet-i Aliyeden tabiiyeti ıskat olunan eşhas Memalik-i Osmaniyede istimlak ve tevarüs hakkından mahrum olurlar.
Üçüncü Madde — Madde-i sabıkada gösterildiği üzere hakk-ı istimlak ve tevarüsden mahrum olacak eşhasın akarat-ı memlukesi tebaa-i Devlet-i Aliyeden bulunan veresesi beyninde emval-i menkule gibi taksim olunur. Ancak Arazi Kanununun yüz onuncu ve yüz on birinci maddeleri ahkamınca o makulelerin arazi-i emiriye ve mevkufede hak-ı tapuları kalmaz ve tebdil-i tabiiyetlerinden mukaddem uhdelerine geçmiş olan arazi-i emiriye ve mevkufe dahi varislerine intikal etmeyüb mahlul olur ve bu muamele icareteynli musakkafat ve müstegallat-ı vakfiye hakkında da aynile caridir.
Dördüncü Madde — Adliye ve Maliye Nezaretleri işbu kanunun icrasına memurdur.
İrade-i Seniye tarihi fi 25 Rebiülahir sene 1300 ve fi 21 Şubat sene 98.
___________________
[1] Ecanibin Hakk-ı İstimlakı Kanunu birinci cildin 230 sahifesinde mündericdir.
(Resm)
Adliye
Ecanibin Hakk-ı İstimlakı Kanununun Birinci Maddesinde İstisna Olunan Eşhasın Emlak ve Arazisine Mahsus Kanundur — M — [1]
Birinci Madde — An asıl tebaa-i Osmaniyeden iken Tabiiyet-i Osmaniye Kanununun neşrinden mukaddem tebdil-i tabiiyet etmiş olub da senedat-ı ahdiye mucibince taraf-ı Devlet-i Aliyeden tabiiyet-i ecnebiyeye duhulleri kabul ve tasdik olunmuş olanlar ve kanun-ı mezkûrun neşrinden sonra ahkamına muvafık suretde tebdil-i tabiiyet edenler ecanibin istimlakine dair 7 Safer sene 84 tarihli kanunun vazaif-i mahsusa tahtında tayin eylediği kâffe-i hukukdan müstefid olurlar. Ancak tabiiyetine girdikleri devletin zikr olunan istimlak kanununa merbut zabıtayı imza etmiş olması şartdır.
İkinci Madde — Devlet-i Aliyeden mezuniyet-i resmiye istihsal etmeksizin tebdil-i tabiiyet edib de taraf-ı Devlet-i Aliyeden tabiiyeti ıskat olunan eşhas Memalik-i Osmaniyede istimlak ve tevarüs hakkından mahrum olurlar.
Üçüncü Madde — Madde-i sabıkada gösterildiği üzere hakk-ı istimlak ve tevarüsden mahrum olacak eşhasın akarat-ı memlukesi tebaa-i Devlet-i Aliyeden bulunan veresesi beyninde emval-i menkule gibi taksim olunur. Ancak Arazi Kanununun yüz onuncu ve yüz on birinci maddeleri ahkamınca o makulelerin arazi-i emiriye ve mevkufede hak-ı tapuları kalmaz ve tebdil-i tabiiyetlerinden mukaddem uhdelerine geçmiş olan arazi-i emiriye ve mevkufe dahi varislerine intikal etmeyüb mahlul olur ve bu muamele icareteynli musakkafat ve müstegallat-ı vakfiye hakkında da aynile caridir.
Dördüncü Madde — Adliye ve Maliye Nezaretleri işbu kanunun icrasına memurdur.
İrade-i Seniye tarihi fi 25 Rebiülahir sene 1300 ve fi 21 Şubat sene 98.
___________________
[1] Ecanibin Hakk-ı İstimlakı Kanunu birinci cildin 230 sahifesinde mündericdir.
(Resm)