(108)
Maliye

yüridilerek pul iptal edilecektir ve minval-i meşruh üzere tarih ve mühür ve imzanın bir ucu üzerine yüridilecek pulları bu vechile iptal olunmayan senet nizamen damgasız itibar olunur.

On dokuzuncu madde: Tüccar ve saire beyninde alınıp satılan bilcümle senedattan Memalik-i Devlet-i Aliye’de tediye olunmak üzere tanzim olunan evrak iptida kimin yedine geçer ise kabul veyahut ciro veyahut bedeli tediye olunmaksızın velhasıl hiç bir muamele cereyan etmeksizin üzerlerine pul yapıştırmağa yapıştırdığı pulların üzerine on sekizinci madde mucibince mühür veyahut imza yüridilerek iptaline mecbur olacakdır.

Yirminci madde: Memalik-i Devlet-i Aliye’nin dahilinde veyahut memalik-i ecnebiyede tediye olunmak üzere Memalik-i Devlet-i Aliye’den bir poliçe ve sair bu misillü evrak-ı ticariyenin keşide olunduğu vakit ve mahalde üzerine on sekizinci maddede beyan olunan minval üzere pul yapıştırılacaktır.

Yirmi birinci madde: Yüz kuruşluktan aşağı muameleler için miri on paralık pullar istimal olunacaktır.

Fasl-ı Hâmis
( Mücazat hakkındadır )

Yirmi ikinci madde: Hiç bir kimesnenin yahut bir şirket veyahut banka ile devair-i resmiyenin damgalanmamış ve pul vaz olunmamış olan poliçe ve çek ve makbuz senedi ve tüccar ve efrad beyninde mütedavil olan sair senedatı keşide veyahut kabul ve ciro ve tediye ve kendü veyahut aharı hesabına tahsil etmesi memnudur. Bundan maada işbu kanun ahkamına tevfikan damgalanmamış ve pul yapıştırılmamış olan senedat ve saire mehakim ve mecalis ve devair ve mevaki-i resmiyeye her ne vechile olur ise olsun ibraz olundukda gerek memurinden olsun ve gerek efrad-ı nasdan bulunsun damga resmi ifa olundukdan başka resm-i nisbiye tabi ise re’sü’l-mal olarak havi olduğu meblağın yüzde üçü mikdarı ve resm-i maktu’a tabi neviden ise yarım Osmanlı altınından üç Osmanlı (altınına)