Büyük Dil Modeli Tarafından Üretilen Metin
(119)
Kefalet nizamnamesine zeyl olmak üzere kaleme alınan madde-i mahsusedir [1]
İşbu nizamname mucibince kefaletle mükellef olan memurîn kefil-i şahsîye bedel mensub oldukları daireye nakden depozito itasıyla veyahut taht-ı tasarruflarında bulunan emlak ve akar ile teminat göstermekte muhtardırlar. Şu şart ile ki her nezaret ve idare tarafından nizamname-i mahsus mucibince kefile rabtı lazım gelenlerin bulunacakları memuriyetlerin ehemmiyetine göre nakden verecekleri depozito miktarını veyahut irae edecekleri emlakin derece-i kıymetini bi’t-tayin bir cedvel tanzim olunacak ve kefalete rabt olunacak memurlerden o yolda teminat vermek isteyenlerden işbu cedveller mucibince ahz-ı teminat edilecektir. Teminat mukabilinde irae olunacak emlakin senedatı mensub olduğu nezaret veyahut idareye tevdi olunacak ve nezaret ve idare tarafından defterhaneye iş’ar-ı keyfiyetle ashab-ı emlakin memuriyeti devam ettikçe satılmamak üzere kaydı balasına şerh verilecektir. Ve yanmak ve yıkılmakla kıymetlerini zayi eden emlakden dolayı ikmal-i teminat olunmak lazım gelecektir.
İrade-i Seniye tarihi fi 20 Safer sene 300 ve fi 20 Kânun-ı Evvel sene 98
[1] İşbu madde-i mahsusa Düstur’un dördüncü cildinin 735 sahifesinde münderic fi 24 Muharrem sene 297 ve fi 26 Kânun-ı Evvel sene 95 tarihli Kefalet Nizamnamesine zeyldir. Düstur’un ikinci cildinin 108 sahifesinde ve üçüncü cildin 23 sahifesinde münderic Kefalet Nizamnameleri ahkamı mensuhdur.
Kefalet nizamnamesine zeyl olmak üzere kaleme alınan madde-i mahsusedir [1]
İşbu nizamname mucibince kefaletle mükellef olan memurîn kefil-i şahsîye bedel mensub oldukları daireye nakden depozito itasıyla veyahut taht-ı tasarruflarında bulunan emlak ve akar ile teminat göstermekte muhtardırlar. Şu şart ile ki her nezaret ve idare tarafından nizamname-i mahsus mucibince kefile rabtı lazım gelenlerin bulunacakları memuriyetlerin ehemmiyetine göre nakden verecekleri depozito miktarını veyahut irae edecekleri emlakin derece-i kıymetini bi’t-tayin bir cedvel tanzim olunacak ve kefalete rabt olunacak memurlerden o yolda teminat vermek isteyenlerden işbu cedveller mucibince ahz-ı teminat edilecektir. Teminat mukabilinde irae olunacak emlakin senedatı mensub olduğu nezaret veyahut idareye tevdi olunacak ve nezaret ve idare tarafından defterhaneye iş’ar-ı keyfiyetle ashab-ı emlakin memuriyeti devam ettikçe satılmamak üzere kaydı balasına şerh verilecektir. Ve yanmak ve yıkılmakla kıymetlerini zayi eden emlakden dolayı ikmal-i teminat olunmak lazım gelecektir.
İrade-i Seniye tarihi fi 20 Safer sene 300 ve fi 20 Kânun-ı Evvel sene 98
[1] İşbu madde-i mahsusa Düstur’un dördüncü cildinin 735 sahifesinde münderic fi 24 Muharrem sene 297 ve fi 26 Kânun-ı Evvel sene 95 tarihli Kefalet Nizamnamesine zeyldir. Düstur’un ikinci cildinin 108 sahifesinde ve üçüncü cildin 23 sahifesinde münderic Kefalet Nizamnameleri ahkamı mensuhdur.