51

Otuz sekizinci mâdde kapıcılar maâşları alel-umûm bin kuruşdur alokasyonları olan kapıcılar yerleri otuz altıncı mâddede muharrer cedvelde ta’yîn olunmuşdur

Bâb-ı Sânî
( Ricâl-i İlmiye ve Nevvâb-ı Şer’iye )

Fasl-ı Evvel
( Ricâl-i İlmiye )

Otuz dokuzuncu mâdde ricâl-i ilmiyenin tarîka mahsûs maâşları rütbe ve kıdemlerine göre muhasses olduğundan tarîk-i ilmî tahsîsâtı olan mebâliğin yekûnundan humsu ba’de’t-tenzîl mâ-adâsı kemâ-kân usûl-i mer’iyesi dâiresinde tahsîs olunacakdır

Fasl-ı Sânî
( Nevvâb )

Kırkıncı mâdde niyâbetler maâşâtının humsu bi’t-tenzîl mâ-adâsı Bâb-ı Vâlâ-yı Fetvâda tensîkan sınıflarına tahsîs olunmak üzere ibkâ olunmuşdur

Kırk birinci mâdde ricâl-i ilmiyeden niyâbet ve Bâb-ı Fetvâ hâricinde sâir me’mûriyetlerde bulunacak zevâtın me’mûriyet maâşlarından tarîka mahsûs olan maâşları mahsûb ile yalnız üst tarafı verilecekdir

Bâb-ı Sâlis
( Me’mûrîn-i Adliye )

Fasl-ı Evvel
( Mahâkim-i İbtidâiye )

Kırk ikinci mâdde Dersaâdet ve mülhakâtı ile vilâyâtda bulunan mahâkim-i ibtidâiye maâşları ber-vech-i âtî ta’yîn olunmuşdur

( Dersaâdet ve Üsküdar ve Beyoğlu Bidâyet Mahkemeleri Maâşları )

Kuruş

3500 Reis-i Evvel
3000 Reis-i Sânî
3000 Müddeî-i Umûmî Muâvini
2000 A’zâ
2000 İcrâ Me’mûru
1500 İcrâ Me’mûru Muâvini