133

Ticaret

Memalik-i ecnebiye mamulatından olmak üzere muvakkaten resm-i gümrükden muaf tutulacak alat ve edevat hakkında nizamnamedir

Birinci Madde: Memalik-i ecnebiye mamulatından ziraate muktazi her cins saban ve silindir ve orak ve hayvan koşulur çapa ve tohum ekmek ot toplamak içün tırmık ve edevat-ı bağlamağa mahsus mengene ve harman ve kalbur makineleri ve pamuk çekirdeği ayırmağa mahsus alat ve yağ ve peynir ve şıra imali içün mengene ve pirinç ayıklayacak dink makine edevatı gerek doğrudan doğruya erbab-ı ziraat tarafından getürilsün ve gerek tüccar tarafından celb olunsun suret-i muvakkatede resm-i gümrükden muafdır.

İkinci Madde: Madde-i sabıkada muharrer alat ve edevatın Avrupa'dan vürudunda ziraat alatı olub olmadığı icab etdikçe Ticaret Nezareti tarafından muayene olunacakdır.

Üçüncü Madde: Bila-resm celb olunan ziraat alat ve edevatından satılmayub da yine memalik-i ecnebiye gönderilecek olanların hin-i ihracında transit kaidesine kıyasen yüzde bir gümrük resmi istifa edilecekdir.

İrade-i seniye tarihi fi 6 Receb sene 99 ve fi 12 Mayıs sene 98

***

Ziraat Odalarının Nizamname-i Dahilisi [1]

Birinci Madde: Ziraat odaları nizamname-i esasi mucibince her ayın evail ve evasıtında olmak üzere iki defa ve ind'el-icab sair günlerde dahi fevkalade olarak içtima edecek ve sebeb-i içtima reis tarafından heyete bildirilecekdir.

***

[1] Ziraat odaları nizamname-i esasisi birinci numerolu zeyl-i düsturun 85 sahifesinde mündericdir.

(Mündericdir)
(İkinci)