(١٥٣) Timuryol ve sâir inşâât şartnâmesi

Tesliminden i'tibâren mürselün-ileyh mevrid-i eşyâ olan mahalde ise yigirmi dört değil ise otuz altı sâ'at zarfında her ne esbâba mebnî olur ise olsun kaldırılmayan denklerden mevzû' olduğu mağaza resmi olarak yevmiye on para ve mürsel veyâ mürselün-ileyhin talebi üzerine tekrâr tartılacak her denkden mürsel ve mürselün-ileyhin iddi'âsı vâhi çıkdığı takdîrde mîzân resmi olarak yigirmi para ücret alınır.

Altıncı ta'rife

( Nukûd ve eshâm ve zî-kıymet eşyaya dâ'irdir )

Sikke veyâ meskûk veyâ ma'mûl veyâhud levha olarak gönderilecek altun ve gümüş ile cıva ve beyâz altun ve mücevherât ve sâ'ir zî-kıymet eşyâdan kilometro başına kesir gayr-i münkasim olmak üzere beher on liralık kıymet üzerine iki para ücret istîfâ kılınır. Tahmîliye ve ihrâciye resmile sigorta ücreti ta'rife fi'âtına dâhildir. Ta'rife ücretinden mâ'adâ irsâlâtın her def'ası içün kaydiye resmi olarak yigirmi para alınır. Mesâfe cüz'î olduğu hâlde beher on lira kıymetinde olanlar içün bâlâda zikr olunan mesârif-i müteferri'a dahi dâhil olduğu hâlde beş guruş ücret alınabilür.

Yedinci ta'rife

( Araba ve edevât-ı müteharrikeye dâ'irdir )

Kilometro başına ücûrât-ı nakliye

Seyr-i Âdî | Seyr-i Serî'
--- | ---
Para | Para
47 | 94 | İki veyâhud dört tekerlekli ve dâhili bir peykeli arabalardan
67 | 134 | Dört tekerlekli ve dâhili iki peykeli arabalardan

Ücret-i nakliyenin ekall derecesi sekiz kilometro üzerine bi'l-hisâb ahz ve istîfâ kılınır.

153