(160)
Nâfia

Ve yâ âdi katarların vakt-i hareketlerinin tebdîli Hükûmet-i Seniyyece taleb olundığı takdîrde keyfiyet lâ-akal kırk sekiz sâat evvel tahrîren sâhib-i imtiyâza ihbâr olunacakdır.

--- Anonim Şirket Nizâmnâme-i Dâhilîsi ---

Zîrde vâzı’ü’l-imzâ ... den ... inşâsiyle idâre ve işletilmesi içün fî ... sene târîhli fermân-ı âlî mûcibince taraf-ı Devlet-i Aliyye’den ... virilen imtiyâz ve bi’l-mukâbele edilen taahhüdâtın icrâsı-çün şerâit-i âtiyeye tevfîkan bir anonim şirketi teşkîl eylemişlerdir.

Birinci Fasıl

( Şirketin teşkîli ve maksadı ve ismi ve merkezi beyânındadır )

Birinci Mâdde Taâtî olunan mukâvele ve şartnâme ahkâmına tevfîkan ... inşâsiyle idâre ve işletilmesi-çün zîrde ta’rîf olunacak hissedârân beyninde bir Osmanlı Anonim Şirketi teşkîl olunmuşdur.

İkinci Mâdde Şirketin ünvânı ... olacak ve tâbiyeti sıfatiyle tabîî Devlet-i Aliyye’nin kavânîn ve nizâmât-ı umûmiyesine tâbi’ bulunacakdır.

Üçüncü Mâdde Şirketin merkezi Dersaâdet’de ve yâ Memâlik-i Osmâniye’nin sâir bir mahallinde olacak ve memâlik-i ecnebiyede dahi şu’beleri bulunabilecekdir.

Dördüncü Mâdde Şirketin müddeti ba’zı esbâbdan dolayı fesh ve yâ müddeti temdîd kılınmak gibi bir hâl vukûa gelmedikçe imtiyâz müddeti olan ... seneden ibâret olacakdır.

İkinci Fasıl

( İmtiyâzın şirkete devri beyânındadır )

Beşinci Mâdde Sâhib-i imtiyâz sûretleri işbu nizâmnâme-i dâhiliye melfûf olan mukâvele ve şartnâme ahkâmınca bâ-fermân-ı âlî kendisine virilen hukûk ve taahhüdâtı şirkete

( Devr )