166
Nâfia

İdare tarafından takdim olunan layiha ile hesabata dair müfettişler tarafından verilen raporu kıraat eder ve bunları lede’l-müzakere ya kabul veyahut red eder ve hisse-i temettü’ü tayin eyler tebdili iktiza eden meclis-i idare azasının yerlerine diğerlerini nasb eder ve şirketin bi’l-cümle umur ve hususatı hakkında bi’l-müzakere karar-ı kat’i ita ve meclis-i idarenin icab eylerse iktidarını tevsi’ eyler.

Fakat heyet-i umumiyede asaleten ve vekaleten şirket sermayesinin la-akal sülüsânına müsavi hisseler ashabının ekseriyet-i ârâsı olmadıkça sermayenin tezyidine karar verilemez.

Otuz İkinci Madde: Heyet-i umumiyenin zabt olunan müzakeratı bir defter-i mahsusa kayd ve zîri heyet-i umumiye reisi ile re’y toplamağa memur olanlar ve kâtip tarafından imza edilir. Heyet-i umumiyenin her içtimaında hazır bulunan hissedârânın esâmisiyle ikametgâhını ve her birinin hâmil olduğu hisselerin miktarını mübeyyin bir cetvel tanzim ile mevcut olanlar tarafından imza edilip zabıt defterinin o günkü varakasına rabt ve talep vukuunda alakadârâna tebliğ olunur.

Otuz Üçüncü Madde: Li-ecli’l-ihticac ibraz olunacak heyet-i umumiyenin zabıt sureti veyahut fıkarât-ı müstahracesi meclis-i idare reisi veya vekili tarafından imza edilir.

Otuz Dördüncü Madde: Heyet-i umumiye tarafından işbu nizamname ahkâmına tevfikan verilecek kararların kabulü gaib olan veya muhalif re’yde bulunan hissedârân için dahi mecburîdir.

***

Beşinci Fasıl

( Hesabât-ı seneviye ve müfredat defteri beyanındadır )

Otuz Beşinci Madde: Şirketin sene-i maliyesi Kânun-ı Sâni ibtidasından bed’ ile Kânun-ı Evvelin otuz birinci günü hitâm bulur. Fakat birinci sene-i maliye müstesna olarak şirketin suret-i kat’iyede teşkili tarihi ile ertesi Kânun-ı Evvelin otuz birinci günü beynindeki müddeti şâmil olacaktır. Meclis-i idare her sene nihayetinde şirketin

( Matlubât )