(167)
Anonim Şirket Nizamname-i Dahilisi

Matlubat ve düyunatı havi bir defter-i umumi tanzim ve işbu defter ile muvazene defterini ve hesabatı heyet-i umumiyenin içtimaından kırk gün evvel müfettişlere irae ve tebliğ edecek ve hin-i içtimaında takdim eyleyecektir. Heyet-i umumiye dahil olmak salahiyetini haiz olan her hissedar mezkur defterleri ve hesabatı mütalaa ve muayene edebilür.

* Altıncı Fasıl *

( Temettüatın suret-i taksimi ve re’sülmale mahsub akçe beyanındadır )

Otuz Altıncı Madde: Şirketin temettüat-ı safiye-i seneviyesinden evvela bilâ-istisna hissedarların cümlesine faiz olarak yüzde ... ve saniyen ihtiyat akçesini teşkil etmek üzere yüzde ... ifraz olunduktan sonra kusurunun yüzde ... mütesaviyen müdirana ve yüzde ... hisse-i temettu namıyla hissedarana tevzi edilir.

Otuz Yedinci Madde: Heyet-i umumiye hisse senedatının her sene bir miktarını kur'a keşidesiyle tedavülden el-çekmek üzere hasılat-ı safiyeden her sene yüzde ... mikdar akçenin ifrazına karar verebilür.
Ve şu halde kur'ada isabet eden hisse senedatı içün kemâkân hisse-i temettu verilecek ve fakat faiz ita olunmayacaktır.

* Yedinci Fasıl *

( İhtiyat Akçesi )

Otuz Sekizinci Madde: Otuz altıncı madde mucibince temettüat-ı seneviyeden müfrez yüzde ... mikdardan hasıl olacak ihtiyat akçesi masarif-i fevkalade ve gayr-ı melhuzeye karşılık tutulacak ve işbu akçenin mikdarı şirket sermayesinin uşruna müsavi bir raddeye baliğ oldukda ihtiyat akçesi ifraz olunmayacaktır.

Otuz Dokuzuncu Madde: Hasılat-ı seneviye hisse başına yüzde ... faiz itasına kifayet etmediği takdirde noksanı ihtiyat akçesinden ikmal edilebilecektir.