172

Girit Vilâyeti

On beşinci madde: Müdir ve bevvâblar maârif meclislerinin ittifâk ve ekseriyet-i ârâsıyla tâyin ve tavzîf olunacaktır.

On altıncı madde: Müdir ve bevvâbların istifâları vukû bulmadıkça veyâhûd mecâlis-i maârifçe töhmetleri tebeyyün etmedikçe azl ve tebdilleri câiz olmayacaktır.

Fasl-ı Evvel

( Maârif meclisleriyle maârif şubeleri heyetlerinin intihâbâtı )
( ve teşkîlâtı )

On yedinci madde: Elviye ve kazâlar maârif meclisleri ve şubeleri birer reis ile sekiz a‘zâdan mürekkeb olacaktır. Reislerin müddet-i me’mûriyetleri iki ve a‘zânın bir sene imtidâd edecek ve bunlar müddet-i mezkûre hitâmından sonra tekrâr intihâb hakkını hâiz olacaklardır.

On sekizinci madde: Maârif reisleri ve a‘zâsı bir hamiyet-i vataniye olmak üzere fahrî olarak hizmet edeceklerdir.

On dokuzuncu madde: Maârif meclisleri reisleri ashâb-ı nâmûs ve haysiyetden ve erbâb-ı maârifden otuz beş yaşını ikmâl etmiş zevâtdan ve a‘zâsı kezâlik nâmûs ve haysiyet ashâbından ve okur yazar takımdan ve otuz yaşını tekmîl etmiş zevâtdan intihâb olunacaktır.

Yirminci madde [1]: Elviye maârif meclisleri reis ve a‘zâsı her livânın hâvî olduğu kazâların gönderecekleri ikiden dört nefere kadar vekiller ile livâ merkezleri...

--------------------------------------------
(1) Yirminci ve yirmi birinci ve yirmi ikinci maddeler tayy olunub bunların makâmına kâim olmak üzere 13 Rebîü'l-âhır sene 1300 ve fî 9 Şubat sene 1298 târîhinde mer‘iyet-i ahkâmına irâde-i seniye şeref-sudûr eden madde-i nizâmiyedir:
« Elviye maârif meclisleriyle kazâlar maârif şubelerinin reis ve a‘zâsı ve birer a‘zâ mülâzımı meclis-i umûmînin zamân-ı ictimâında a‘zâ-yı müslimenin meclis-i husûsîleri tarafından ittifâk veyâ ekseriyet-i ârâ ile intihâb olunacaktır. »

( Muhtarları )