Büyük Dil Modeli Tarafından Üretilen Metin
181
Maarif Nizamnamesi
Seksen Beşinci Madde: Mekâtib-i hususiyenin usul-i tedrisiyesi ile tedris ve tederrüs olunacak kütüb ve resail maarif meclisleri tarafından tayin ve tahdit edilecektir.
Seksen Altıncı Madde: Müdir ve mualliminden mevad-ı sabıkada muharrer kavaide ittibadan istinkâf ve imtina edenlere birinci defada nasihat ve tenbih olunacak ve semere görülmeyecek olur ise ikinci defa muamele-i leyine ile tevbihat icra kılınacaktır ve üçüncü defada maarif sandıklarına ait olmak üzere kendilerinden bir Osmanlı altınından üç altına kadar cezay-ı nakdi istihsal ve bunlar ile dahi mütenebbih olmazlar maarif meclislerinin kararı ile tedrisden men olunacaklardır.
Seksen Yedinci Madde: Evladını tahsil-i iptidainin mecburiyet müddeti zamanında mektebe göndermekden imtina ve taannüd eden baba ve velilere meclis-i maarif ve şubeleri canibinden üç kere tenbihat ve nasayih-i müşfikane icra edilecek ve bu muamele kârger olmaz ise dördüncü haftanın son gününde meclis-i maarif kararı ile maarif sandıklarına ait olmak üzere kendilerinden bir beşlikden beş beşliğe kadar cezay-ı nakdi alınacak ve tekrar ettikçe cezay-ı nakdi her defa bir misli tezayüd edecektir.
Seksen Sekizinci Madde: Bilâ ruhsat mekteb küşad eden muallim ve müdirler Ceza Kanunname-i Hümayunu ahkamına tevfikan te'dib olunacaklardır.
Seksen Dokuzuncu Madde: Belediye avaidi olarak verilecek yüzde yarımdan başka maarif tahsisatı olmak üzere her türlü hasılat-ı arziyenin mecmuundan mecburi olarak yüzde yarım alınacak ve hükümet marifetiyle tahsil kılınacaktır.
Doksaninci Madde: Madde-i sabıkada muharrer hasılat-ı arziye ve ücret-i tedrisiye-i cebriye ve mahallerince tedarik olunacak varidat-ı saire kurada mekâtib-i lazimenin tesis ve idaresine kifayet edemeyecek olur ise Liva sandıklarından ikmal edilecek ve fazl kalacak olur ise Liva Maarif Sandığına gönderilecektir.
Doksan Birinci Madde: Maarif şubeleri her sene varidat ve masarifat-ı vakıalarının muhasebatını ve icab eden istatistik cetvellerini merbut oldukları Liva Maarif Meclislerine vermeğe mecbur olacaklardır.
Doksan İkinci Madde: Mekteb-i Sultaninin vakti tesisi işbu nizamnamenin rehin-i tasdik-i ali buyurulduğu tarihden itibaren nihayet üç seneyi tecavüz etmemek üzere meclis-i umumi-i İslam azasının ekseriyet-i ârâsıyla tahsis ve tayin edilecektir.
Maarif Nizamnamesi
Seksen Beşinci Madde: Mekâtib-i hususiyenin usul-i tedrisiyesi ile tedris ve tederrüs olunacak kütüb ve resail maarif meclisleri tarafından tayin ve tahdit edilecektir.
Seksen Altıncı Madde: Müdir ve mualliminden mevad-ı sabıkada muharrer kavaide ittibadan istinkâf ve imtina edenlere birinci defada nasihat ve tenbih olunacak ve semere görülmeyecek olur ise ikinci defa muamele-i leyine ile tevbihat icra kılınacaktır ve üçüncü defada maarif sandıklarına ait olmak üzere kendilerinden bir Osmanlı altınından üç altına kadar cezay-ı nakdi istihsal ve bunlar ile dahi mütenebbih olmazlar maarif meclislerinin kararı ile tedrisden men olunacaklardır.
Seksen Yedinci Madde: Evladını tahsil-i iptidainin mecburiyet müddeti zamanında mektebe göndermekden imtina ve taannüd eden baba ve velilere meclis-i maarif ve şubeleri canibinden üç kere tenbihat ve nasayih-i müşfikane icra edilecek ve bu muamele kârger olmaz ise dördüncü haftanın son gününde meclis-i maarif kararı ile maarif sandıklarına ait olmak üzere kendilerinden bir beşlikden beş beşliğe kadar cezay-ı nakdi alınacak ve tekrar ettikçe cezay-ı nakdi her defa bir misli tezayüd edecektir.
Seksen Sekizinci Madde: Bilâ ruhsat mekteb küşad eden muallim ve müdirler Ceza Kanunname-i Hümayunu ahkamına tevfikan te'dib olunacaklardır.
Seksen Dokuzuncu Madde: Belediye avaidi olarak verilecek yüzde yarımdan başka maarif tahsisatı olmak üzere her türlü hasılat-ı arziyenin mecmuundan mecburi olarak yüzde yarım alınacak ve hükümet marifetiyle tahsil kılınacaktır.
Doksaninci Madde: Madde-i sabıkada muharrer hasılat-ı arziye ve ücret-i tedrisiye-i cebriye ve mahallerince tedarik olunacak varidat-ı saire kurada mekâtib-i lazimenin tesis ve idaresine kifayet edemeyecek olur ise Liva sandıklarından ikmal edilecek ve fazl kalacak olur ise Liva Maarif Sandığına gönderilecektir.
Doksan Birinci Madde: Maarif şubeleri her sene varidat ve masarifat-ı vakıalarının muhasebatını ve icab eden istatistik cetvellerini merbut oldukları Liva Maarif Meclislerine vermeğe mecbur olacaklardır.
Doksan İkinci Madde: Mekteb-i Sultaninin vakti tesisi işbu nizamnamenin rehin-i tasdik-i ali buyurulduğu tarihden itibaren nihayet üç seneyi tecavüz etmemek üzere meclis-i umumi-i İslam azasının ekseriyet-i ârâsıyla tahsis ve tayin edilecektir.