191

Rum İli Şarkî Vilâyeti

Nevahi tekâlif-i umumiyesine zam olunacak resim hakkında Rum İli Şarkî Vilâyetine mahsus kanundur

Nam-ı namî-i hazret-i padişahîye olarak nizamname-i dahilînin onuncu ve elli dördüncü maddeleri mucibince Rum İli Şarkîde vaki nevahi tekâlif-i umumiyesine zam olunacak resme dair bi't-tanzim bin sekiz yüz seksen bir senesi Teşrin-i Evvelinin yirmi dokuzuncu günü meclis-i umumî-i vilâyetten kabul olunup lede'l-arz meriyeti hakkında irade-i seniye-i hazret-i padişahî müteallik ve şeref-sudûr buyurulan işbu kanunun valisi bulunduğum Rum İli Şarkî Vilâyetinde mer’iyyü'l-icrâ tutulmasını ilân eylerim.

Birinci Madde Her nahiye veyahut nahiye şubesi kendi masarif-i adiyesini ifaya tekabül edilmek için icabı takdirinde her sene vilâyet vergisinin cümlesine veyahut bir kısmına nihayet yüzde yirmi kadar zam ve tahsile mezundur. Masarif-i fevkalâdeye gelince bunların tekabülü için dahi nizamname-i dahilînin üçüncü numaralı zeylinin ikinci maddesi mucibince her sene mecalis-i kebire-i elviye tarafından tayin olunan hadd-i nihayeyi tecavüz etmemek şartıyla tekâlif-i umumiyenin kâffesine veya bazısına zam edilebilir.

Masarif-i adiye her sene tabiî icab eden ve masarif-i fevkalâde dahi elzemiyet-i zaruriyeden neş'et eyleyen masarifata ıtlak olunur.

İkinci Madde Bir nahiye veyahut nahiye şubesi bütçesi her ne sebebe mebni olur ise olsun sene-i cedide-i maliye hululünden evvel tanzim veya kabul olunmamış olduğu halde sene-i maziye-i maliye zarfında cari olan bütçe ahkâmı sene-i âtiyede dahi mer’iyyü'l-icrâ tutulacaktır.

Üçüncü Madde Sancak ve kaza vergisini tahsil eden memurlar işbu vergiye...