196
Rumeli-i Şarkî

Sandık eminiyle bir de kitabet indimamıyla muhasebeci ve bir de odacı tayin ve istihdam olunacaktır.

On ikinci madde: Birinci sınıf sandık eminlerinin maaşı altın akçe hesabıyla bin ve kitabet indimamıyla muhasebeci maaşı sekiz yüz guruştur.

On üçüncü madde: İkinci sınıf sandık eminlerinin maaşı sekiz yüz ve kâtib maaşı altı yüz guruştur.

On dördüncü madde: Ziraat sandıklarının her iki sınıfında istihdam olunacak odacı maaşı dahi iki yüz guruştur.

On beşinci madde: Her bir ziraat sandığı içün bir timur kasa mübayaa olunmak üzere bir defaya mahsus olarak üçer bin guruş ve verilüb idarehanelerinin masarif-i kırtasiye ve şitaiyesiçün dahi senevî biner guruş tahsis olunur.

On altıncı madde: Ziraat sandıkları memurları maaş sergilerini ber-vech-i tanzim ile Sancak Komisyonu Reisi tarafından tasdik olunduktan sonra mah-be-mah maaşlarını ahz eyleyeceklerdir.

Dördüncü Fasıl

( Sandık eminlerinin intihabı beyanındadır )

On yedinci madde: Ziraat sandıkları elviye meclis-i kebîresinin nezareti ve doğrudan doğruya sancak komisyonlarının idaresi tahtında bulunacaktır.

On sekizinci madde: Sandık eminleri üç sene müddet ifa-yı hizmet etmek üzere Sancak meclis-i kebîresi canibinden intihab olunub mutasarrıflar tarafından tasdik kılınır.
Her bir sandık emininin her halde iki kefil irae eylemesi lâbüdder.
Müddeti tekmil olan sandık eminlerinin tekrar sandık eminliğine intihab ve tayinleri caiz olabilir.

On dokuzuncu madde: Sandık eminliğine intihab ve tayin olunacak kesana kefalet
( Edecek )