197

Ziraat sandıkları muamelatına dair kanun

edecek olanların her vechile mesuliyeti mâlen deruhte eylediklerine dair bir sened-i resmiyi imza etmeleri lazımdır. İşbu kefalet senedi sancak komisyonuna verilip sandık emininin ikmal-i müddet-i memuriyetiyle beraber sandığın muamelat-ı kuyudiye ve evrakıyla nakdi halefine devir ve teslim olununcaya kadar zikrolunan senedin komisyon-u mezkûrda hıfzına itina olunur. Balada beyan olunan sened imza ve komisyona teslim ve ita olunmadıkça sandık eminliğine müntehab olanların ifa-yı vazifeye mübaşeret etmeleri memnudur. Sandık eminleriyle kefalasının yerli ahaliden olmaları şarttır.

Yirminci Madde: Ziraat sandıklarında muhasebeci unvanıyla bulunacak kâtipler sandık eminlerinin teklifi üzerine mutasarrıflar tarafından nasb olunurlar. Odacılar dahi sandık eminlerinin marifetiyle tayin edilirler.

Beşinci Fasıl

( Ziraat sandıkları memurlarının vezaifini beyanındadır )

Yirmi Birinci Madde: Sandıklar muamelatının temşiyet ve tesviyesi ve nukûd-u mevcûdenin muhafazasıyla akçenin kabz ve sarfı ve kâffe-i umur-u hesabiyesinin tanzim ve idaresi sandık eminlerinin vezaif-i memureleri cümlesindendir.

Yirmi İkinci Madde: Muhasebeci unvanıyla bulunacak kâtiplerin vazifeleri dahi sandık hesabatıyla defatirini yoluyla ve sırasıyla tutmalarından ve sandık muamelatına aid olan senedat ve rapor tanzimi evrak ve vesaik-i sairenin terkim ve imlası hususatından ibarettir.

Yirmi Üçüncü Madde: Odacılar dahi sandıkları umur ve hususatına müteallik mekatib ve evrakı yerli yerine tevzi ve ita ile sandıklar muamelatına dair sandık ümenası taraflarından verilecek evamiri infaz ve icra etmek vazifesiyle mükelleftirler.

Yirmi Dördüncü Madde: Sandıkların nukûd ve defatir ve senedatıyla sair evrak-ı muteberesi