59

Kefillerinden ahz ve istifa olunmakla beraber o makulelerin bir daha böyle hizmetlerde istihdamı caiz olmayacağı gibi istikamet ve hüsn-i hizmeti tebeyyün edenlerin dahi mahallerince haline münasip diğer bir hizmet ile kayırılmaları veyahut kabul ettiği surette civar bir liva veya kaza sandık eminiyle icra-yı becayişleri ve aradan iki sene geçdikten sonra yine müddet-i muvakkata ile evvelki sandık emanetinde istihdamları caiz olabilecektir.
Sandık eminlerinin inkiza-yı müddet-i muayyenede tebdil edilmesi bahsinde iğmaz ve müsamaha vukubulacak olur ve o makule sandık eminlerinin bilâhire ihracıyla rüyet-i muhasebelerinde zimmetleri ve bir gûna uygunsuzlukları görülür ise ihtiyar-ı tesamuhla iğmaz-ı ayn eden büyük ve küçük bilcümle memurin kefela sırasında şerik ve mesul addolunacaktır.
İşbu karar-namenin icra-yı ahkâmına bin ikiyüz seksen altı senesi Martının ibtidası mebde-i itibar edilip tarih-i mezkûra kadar müddet-i memuriyetleri iki sene olmuş veyahut iki seneyi tecavüz etmiş olan sandık eminlerinin yerlerine münasipleri intihab ve tayin ile muhasebeleri rüyet kılınacaktır.

Fî 4 Zilkade sene 286

( Maaşat Kararnamesine Zeyl )

Cezayir-i Bahr-i Sefid Vilayeti dahilinde bulunup ahalisi kâmilen Hristiyan olan malûmü'l-esami beş kaza mehakimine nasb olunacak rüsaya gayr ez-hums bin ikişer yüz kuruşdan şehri altı bin kuruş maaş verilecektir.
İrade-i Seniye tarihi
Fî 15 Zilhicce sene 97 ve fî 6 Teşrin-i Sani sene 96

***

Meclis-i Mebusanın inikadında kanuniyeti tasdik olunmak üzere Meskûkât-ı Osmaniye hakkında karar-name layihasıdır

Birinci madde: Meskûkât-ı Osmaniyede vahid-i kıyas Osmanlı yüzlük altınıdır.
İkinci madde: Yüzlük altının nısfiyesi ve rubu'iyesi olduğu gibi iki buçuk bir ve beşi bir olmak üzere diğer iki nevi dahi vardır.
Üçüncü madde: 1296 sene-i maliyesi Martı iptidasından itibaren varidat-ı devlet