218 Rumeli-i Şarki

Otuz altıncı madde – Beher sancakda bir baytar tabibi bulunur.

Otuz yedinci madde – Sancak baytarları elviye meclisleri tarafından bi’l-intihab canib-i vilayetden nasb ve tayin ettirilmek üzere esami ve diplomaları idare-i sıhhiye meclisine irsal edilir.

Otuz sekizinci madde – Sancak baytarları memuriyetlerinin ifasınca idare-i sıhhiye meclisinin nezareti tahtında olup talimat-ı lazımelerini dahi andan ahz ederler.

Otuz dokuzuncu madde – Sancak baytarları hayvanatın sıhhatini gözetip ve hüsn-i suretle beslenip büyütülmesi ve cinsinin iyileşmesi ve dahilen ve haricen emraz-ı sariyeden bi’l-vikaye mucib-i mazarrat olan esbabın men ve def ve halli içün lazım gelen tedabiri ittihaz ve tavsiye eder.

Kırkıncı madde – Sancak baytarları sancağı akalli üç ayda bir kere ve emraz-ı sariye irası takdirinde her kaç kere iktiza eder ise sancağı dolaşıp hayvanatın ihtiyacat-ı sıhhiyelerine ve hallerinin ıslahını mucib şerait ve esbaba vakıf olarak her üç ay hitamında hayvanatın ahval-i sıhhiyesine dair idare-i sıhhiye meclisine bir layiha ita ve irsale mecburdur.

Sekizinci Fasıl

( Diş hekimlerine dairdir )

Kırk birinci madde – Usulü üzere diploması olan her diş hekimi işbu kanunun dördüncü maddesinin birinci fıkrasında muharrer şeraiti ba‘de’l-ifa dahil-i vilayetde icra-yı san’at edebilir.

Dokuzuncu Fasıl

( Ebelere dairdir )

Kırk ikinci madde – Her ebe işbu kanunun dördüncü maddesinin birinci fıkrasında mestur şeraiti ifa ettikten sonra dahil-i vilayetde icra-yı san’at edebilir.

( Kırk )