Rumeli-i Şarkî
224

Olur ve şayet iane tahsis kılınmış olsa bile kat' ve ref' edilir bu hukukun kat' ve ref'i maarif müdüriyetinin teklifi üzerine vali-i vilayet tarafından ba-kararname hükm olunur.

On beşinci madde: İşbu kanunname ahkâmının inas muallim ve hvaceleri haklarında dahi şümulü olacaktır.

On altıncı madde: İşbu kanunname hükmünün mevki-i icraya vaz'ı maarif müdüriyetine muhavveldir.

İrade-i seniye tarihi fi 4 Rebiülahir sene 99

***

Doğrudan doğruya istifa olunan tekâlifin ne gibi ahvalde tenzil veyahut afvı iktiza edeceğinin tayiniyle suver-i icraiyesi hakkında Rumeli-i Şarkî'ye mahsus kanun-ı vilayettir.

Nam-ı nam-ı hazret-i padişahîye olarak nizamname-i dahilinin onuncu ve elli dördüncü maddeleri mucibince doğrudan doğruya istifa olunan tekâlifin ne gibi ahvalde tenzil veyahut afvı iktiza edeceğinin tayiniyle suver-i icraiyesine dair bi't-tanzim bin sekiz yüz seksen iki senesi Teşrin-i Sanisinin ikinci günü meclis-i umumi-i vilayetten kabul olunup lede'l-arz mer'iyeti hakkında irade-i seniye-i cenab-ı padişahî müteallik ve şeref-sudur buyurulan işbu kanun ahkâmının valisi bulunduğum Rumeli-i Şarkî vilayetinde mer'iyyü'l-icra tutulmasını ilan eylerim.

Birinci madde: Vergi itasıyla mükellef olanlardan birisi vergiye tabi olan emval-i menkule ve gayr-i menkulesine harik ve dolu ve tuğyan-ı miyah ve çekirge istilası gibi afat ve felaket isabetinden ve ağnam ve domuz rüsumuna kezalik tabi olan hayvanatda hastalık arız olması gibi halat yüzünden hasar ve mazarrata giriftar olacak olduğu takdirde vergisinin tenzil veya afvına mazhar olabilir.

İkinci madde: Yukarıki birinci maddede zikr ve ta'dad olunan afat ve felaketden (bazılarının)