229

İcrâ Me’mûrları Hakkında Kânûn

Mikdâr-ı mezkûrdan ziyâde makbûzâtı vukû‘ bulacak olur ise nihâyet ertesi günü me’mûr bulunduğu mahkemeye teslîm ve tevdî‘ etmeğe mecbûrdur.

On birinci madde - İcrâ me’mûru nezdinde bulunan evrâk ve mühür ve eşyâ-yı sâirenin muhâfazası husûsunda zâten ve mâlen mes’ûldür.

On ikinci madde - Me’mûr-ı merkûm zâbıta komiserleri melbûsâtının şekline göre yakası siyâh kadifeden olmak ve üzerinde ( İcrâ Me’mûru ) ibâresi muharrer bulunmak üzere bir üniformayı lâbis olacaktır.
Mu‘âvini dahi kezâlik mezkûr üniformayı iksâ edecek olup fakat bunun apoleti olmayacaktır.
Muhzırlar dahi mâî çuhadan kırmızı yakalı elbiseyi lâbis olup göğüslerinin sol cihetlerinde de İcrâ Muhzırı ibâresi muharrer ve numarası murakkam olarak beyâz ma‘denden ma‘mûl birer alâmet ta‘lîk edeceklerdir.

On üçüncü madde - İcrâ me’mûru tertîb olunan şekle göre zîrde muharrer defâtiri tutmağa mecbûrdur.
(1) Mevrûdât ve mersûlât defteri
(2) Bilcümle da‘vâvînin icrâ-yı mu‘âmele-i kuyûdiyyesine mahsûs defter
(3) Kasa defteri
(4) Tevzî‘ evrâkı defteri

On dördüncü madde - İcrâ me’mûru mesâlih-i icrâiyeyi ve tahsîli karârgîr olan bilcümle akçenin istihsâli husûsundaki mu‘âmelâtı hemân işin itmâmını müte‘âkib mevrûdât defterinin hâne-i mahsûsuna kayd ve işârete müsâra‘at eder.

On beşinci madde - Bir i‘lâmın icrâsına mahsûs olarak icrâ me’mûruna verilen bilcümle evrâk ile me’mûr-ı merkûm tarafından istâr ve tesyâr olunan ihzâr pusulalarının nüsah-ı sâniyeleri ‘âid oldukları icrâ varakalarının yanına dikilerek işin icrâ-yı îcâbı rehîn-i hitâm olduktan sonra i‘âdeten cânib-i mahkemeye i‘tâ kılınır.

On altıncı madde - İcrâ me’mûru yekûnu her ne mikdâr olur ise olsun ahz