61

Komisyon Maliye Nezaretinin taht-ı nezaretinde olarak bir reis ile üçü bankerlerden
ve üçü muteberan-ı tüccar ve ahaliden olmak üzere altı a’zadan mürekkeb olacakdır.
Onuncu Madde — Meskûkât-ı Osmaniye’nin tevhidi hakkında dahi Hükümet-i Seniye tedabir-i
lazimeyi ittihaz edecekdir.
Fi 24 Kânun-ı Evvel Sene 1296

---

Meskûkât-ı Osmaniye Kararnamesinin Meclis-i Vükela Kararı ve Bi’l-istizan Müteallik
Buyurulan İrade-i Seniye-i Hazret-i Padişahi Mucibince Tadil Kılınan
Altıncı Maddesidir

Altıncı Madde — Hükümetçe sikke-i mağşuşe olarak medyun olanlar deynlerini kâmilen sikke-i
mağşuşe ile tediye etmek istediklerinde beşinci maddede gösterildiği üzere yüzde
beşi kıymet-i mevzua ile ve baki yüzde doksan beşi kıymet-i hakikiye ile kabul olunacakdır.
Fakat kaime hakkında ittihaz edilen karar-ı ahir kemâ-kân baki olmak üzere doksan dört
gayetine kadar olan düyûn fi 8 Mart Sene 1295 tarihli kaime kararnamesi
mucibince tediye olunmak lazım geleceği gibi doksan beş senesi gayetine kadar
doğrudan doğruya ahaliden istifa olunan vergi ve bedelat-ı askeriye ve tekâlif-i
saireden sikke-i mağşuşe olan bakaya doksan altı senesi şehr-i Ağustos gayetine kadar
fiyat-ı mevzuasıyla sikke-i mağşuşe olarak kabul olunacak ve Hazine-i Celile’nin
eşhas ve memurin ile olan muamelatı halkın yekdiğeriyle olan muamelatı hakkında
ittihaz olunan karara tevfik kılınacakdır.

İrade-i Seniye Tarihi
Fi 25 Rebiü’l-ahir Sene 97 ve fi 24 Mart Sene 96

---

Hazine-i Celile’nin Varidat ve Masarifat-ı Umumiyesinin Nakde Tahviliyle
Kaimenin Suret-i İlgasına Dair Kararnamedir

Birinci Madde — Derdest olan istikraz-ı cedidin husulünde yakında Maliye Nezaret-i
Celilesinden ilan olunduğu veçhile dört yüzlük kaimeye bir lira ve bir liralık kavaim
mevcudu külliyen ve def’aten kaldırılmak üzere işbu kararnamenin ilanı tarihinden itibaren