236

Rumeli-i Şarkî

* Dördüncü Fasıl *

( Avukatlık hukukunun ziyaını mucib olan ahval beyanındadır )

Yirmi dördüncü madde Avukatlık fenninin icrası hukukundan mahrumiyeti istilzam eden ahval zirde beyan olunur:
(1) Yirmi ikinci maddede tayin olunan hale muğayir hareket edenler.
(2) Üçüncü maddenin üçüncü ve dördüncü ve beşinci fıkralarına muhalif harekatta bulunanlar.
(3) Kendi hüsn-i rızasıyla avukatlıktan istifa edenler fakat bilahare yine avukatlık silkine yeniden dahil olmaklığı talebe hakları olup elverir ki işbu kanunun birinci faslında ta’dad olunan şurûta tebaiyetle beraber dokuzuncu maddede gösterilen rüsûm-ı kaydiyeyi te’diye eylemiş olsun eğer istifa eden avukat aleyhine te’dibat-ı intizamiye yolunda ikame-i davaya teşebbüs olunmuş ise işbu istifa davanın fasl ve ikmalinden sonra kabul olunur.

* Beşinci Fasıl *

( Avukatların nizam ve intizam yolundaki mesuliyetleri beyanındadır )

Yirmi beşinci madde Gerek kendi vazife-i fenniyesini tağyir ve gerek ahval-i namarziyesi ilcaatıyla haysiyet-i fenniyesini tahlil eden avukat Sancak Mahkemesi canibinden tayin olunacak te’dibat-ı intizamiyeye mazhar olacaklardır.
Yirmi altıncı madde Te’dibat-ı intizamiye:
(1) Tekdirden;
(2) Dahil-i vilayette bulunan hayrat ve meberrâtdan mahkemenin tayin edeceği birisine liecli’l-itâ altın akçe olarak beş bin kuruşa kadar cezay-ı nakdî ahzından;
(3) Bir seneden ziyade olmamak üzere avukatlık fenninin men-i icrasından.

( 4 Avukat )