71

Ve ilan olunmuş olan beratların fihristi Dersaadet’te Ticaret ve Ziraat Nezareti’nde
ve vilayetlerde meclis idare kaleminde emaneten hıfz olunur.
Otuz ikinci madde: Beratların inkıza-yı müddet-i muayyenelerinden sonra resim ve tarifnamelerinin
asılları Dersaadet’te Mekteb-i Sanayi Numunehanesi’nde hıfz edilir.

Üçüncü Bab
( Ecanibin Hukuku )

Otuz üçüncü madde: Tebea-i ecnebiyyenin Memalik-i Osmaniye’de ihtira beratı almağa
salahiyetleri vardır.
Otuz dördüncü madde: Berat taleb eden ecnebilere haklarında işbu kanunun tayin
eylediği şerait ve muamelat bila-istisna cari olur.
Otuz beşinci madde: Memalik-i ecnebiyyede ihtira beratı alanlar ihtira-kerdeleri hakkında
Memalik-i Osmaniye’de dahi berat alabilirler fakat beratlarının müddeti ahır memlekette almış
bulundukları beratlar müddetinin inkızasıyla hitam bulmak meşruttur.

Dördüncü Bab
( İhtira beratı hakkını iptal ve iskat edecek ahval ile bunlara müteallik deavi )

Birinci Fasıl
( İhtira beratı hakkının iptal ve iskatını müstelzim ahval )

Otuz altıncı madde: Evvela keşf ve ihtira olunan şey nev-icat olmadığı saniyen
üçüncü madde hükmünce berat itasına salih bulunmadığı salisen sırf nazariyat
ve ameliyattan ibaret olup sanayie suret-i sarfı gösterilmeyen usul ve kavaid
ve keşfiyat ve tashihat-ı mücerrede üzerine berat verilmiş olduğu rabian emniyet-i umumiyeyi
ve nizam-ı memleketi muhil ve adab ve ahlaka ve kavanin-i mevzuaya muhalif bulunduğu hamisen
asıl ihtira olunduğu beyan olunan şeyin gayrı hakkında sahte bir nam ile hile
karane berat istihsal kılındığı sadisen berata merbut tarifname ihtiraın icrası
için kafi olmadığı veyahut suret-i istimalini mükemmelen ve hakikaten mutazammın bulunmadığı sabian
yirmi üçüncü madde ahkamına muhalif berat istihsal eylediği halde bu misillü beratlar
münfesih ve ke-en lem yekün addolunur ve işbu otuz altıncı maddenin dördüncü fıkrası
ile üçüncü fıkrasında beyan olunan şeylerin imal ve ya füruhtundan terettüb edecek