82

Dördüncü Fasıl
(Mükafat ve Mücazat)

On Birinci Madde: Şakirdandan yedinci ve sekizinci ve dokuzuncu maddelerde gösterilen ahkama mugayir hal ve hareketde bulunanlar birinci defa muallimler tarafından ihtar ve ikinci defa şakirdan muvacehesinde tekdir, üçüncü defa muallimler heyetinin mazbatası üzerine nezaretten tard olunur.

On İkinci Madde: Esnay-ı tahsilde ve her sene imtihanında matlub olan derecede numara ahzına muvaffak olan şakirdan mektebden çıkdığı anda orman mühendisi ise vilayet orman müfettişlerinin ve maaden mühendisi ise taşra maaden memurlarının refakatinde ilk sınıflarının nısıf maaşıyla tayin kılınacak ve bu şakirdanın ahz eyledikleri numaralar sırasınca münhal memuriyetlerden birini intihaba hakları olacakdır.

On Üçüncü Madde: On ikinci maddede tarif olunduğu vechle mektebden şehadetname ile çıkıp muavinlik hizmetine tayin olunacak şakirdandan bu memuriyetde hiç olmazsa iki sene hüsn-i hizmet ve ibraz-ı liyakat ve ehliyet etmiş olanlar orman müfettiş saniliği veyahud maaden mühendisliği memuriyetlerine nail olacaklardır.

On Dördüncü Madde: İşbu nizamnamenin neşr ve ilanı tarihinden itibaren fi 1 Kanun-ı Sani sene 85 tarihli Orman Mektebi Nizamnamesiyle fi 1 Kanun-ı Sani sene 89 tarihli Maaden Mektebi Nizamnamesi ahkamı mensuhdur.

İrade-i seniyye tarihi fi 29 Receb sene 97

***

Rumeli Şarki Encümen-i Daimisi Azalarına Tazminat Namıyla İta Kılınacak Yevmiye Hakkında Kanun-ı Mahsusdur

Birinci Madde: Encümen-i daimi azalarına yevmi yetmiş guruş ita kılınacakdır.

İkinci Madde: Hükümet memuriyetinde bulunan encümen-i daimi azalarının memuriyet-i muvazzafaları hakkında neşr ve ilan kılınan nizamnameye tabi olmaları lazım gelir.

Üçüncü Madde: Balada zikr olunan yevmiye aza-yı mumaileyhimin işe başlayacakları günden itibaren eyalet meclis-i umumisi içtima-ı adisinin ibtidasına kadar ita olunacakdır.

Dördüncü Madde: Azadan birinin yeri münhal olub da yerine bir aza mülazımının...