89

On sekizinci madde on beşinci maddede zikr olunan hüccet ve mukavele senedâtı ve mukavele
gibi vesâik sûretlerinin tasdîki içün beher nüshasından beşer guruş resm alınacakdır

On dokuzuncu madde mahkemelerden yapılacak evrâk-ı resmiye sûretlerinin bir kimesneye
doğrudan doğru ve yâ bi'l-vâsıta irsâl ve teslîmi hâlinde mahkemeye âid rüsûm-ı sâireden
başka on guruş resm alınacak ve ol kimesne hâric-i şehirde ise bu resimden mâadâ
masârif-i mubâşiriye dahi ahz olunacakdır

Yirminci madde poliçe ve yâ bono ve yâhud taahhüdli senedâta karşı itâ olunacak
protestonâmelerin tasdîkât ve teblîgât-ı resmiyesi içün beher nüshasından yirmi
guruş resm alınacakdır

Yirmi birinci madde hükûmet marifetiyle bi'l-müzâyede bey' ve fürûht olunacak emvâl-i
menkûle ve gayr-i menkûlenin bedel-i bey' ve fürûhtundan yüzde bir resm alınacakdır

Yirmi ikinci madde li-ecli'l-hıfz mahkemeye bırakılan evrâk ve senedât içün
yirmi guruş resm alınacakdır

Yirmi üçüncü madde te'mîn-i deyn içün sekostro altına alınan emlâk ve eşyâ içün
masârif-i teblîğiyesinden mâadâ yirmi beş guruş resm alınacakdır

Yirmi dördüncü madde bir medyûnun taht-ı hacze alınmasına hükm ve i'lâm olunan dükkân
ve mağazasının taht-ı temhîre alınması ve yâhud eşyâ-yı mevcûdesinin müzâydesi vukûunda
yirmi beş guruş resm alınacakdır

Yirmi beşinci madde muâmelât-ı hukûkiyeyi hâvî bir müfredât defterinin mahkeme kalemi
marifetiyle tanzîmi lâzım geldiği hâlde müddet-i ikmâline değin mürûr edecek vakit ve sâate
göre beher sâati içün yirmişer guruş alınacakdır

Yirmi altıncı madde li-ecli'l-hıfz hükûmete tevdî' ve itâ olunacak akçe ve yâ sâir
zî-kıymet eşyânın mikdâr-ı nakd ve behâsına göre yüzde yarım alınacakdır

Yirmi yedinci madde umûr-ı ticâriyeye müteallik senedât meccânen tasdîk olunur

Dördüncü Fasıl
( Tazmînât ve mükâfâta dâirdir )

Yirmi sekizinci madde eğer müddeî müddeâ aleyhin mahal-i ikâmetini beyân ve ta'yîn edemez
ise gazetelerle i'lân ve yâhud masârif-i ihzâriye içün ber-vech-i peşîn altmış guruş
i'tâya mecbûrdur

12