118

dahi kefil olmuşlar ise ol hâlde her biri bin kuruş ile mütâleb olur

648 Madde Kefâletde asîlin berî olması şart kılınır ise havâleye
münkalib olur

649 Madde Muhîlin adem-i berâeti şartıyla havâle kefâletdir
binâenaleyh bir kimse medyûna sendeki alacağımı sen dahi zâmin olmak üzere
filânın üzerine havâle et dese o dahi o vechile havâle etse tâlib
alacağını her kangısından ister ise alır

650 Madde Biri nezdinde bir kimsenin emânet malı olduğu hâlde ol maldan
edâ etmek üzere ol kimsenin borcuna kefil olsa câiz olur
ve ol maldan îfâ etmek üzere kefil icbâr olunur
ve eğer mal telef olsa kefile bir şey lâzım gelmez
fakat kefil olduktan sonra ol malı sâhibine red etse ol hâlde kendü
zâmin olur

651 Madde Bir kimse birini filân vakitde ihzâr etmek üzere nefsine ve ol
vakit ihzâr etmediği takdirde borcunun edâsına kefil oldukda vakit-i muayenede
ihzâr etmez ise kefilin ol deyni vermesi lâzım gelir
ve kefil fevt oldukda veresesi vakit-i muayenede mekfulün bihi teslim ederler
yâhud mekfulün bih cihet-i kefâletden dolayı nefsini teslim eyler ise kefil tarafına
malca bir şey terettüb etmez ve eğer anlar mekfulün bihi yâhud mekfulün bih nefsini teslim
etmez ise kefilin terekesinden malın edâsı lâzım gelir
ve mekfulün leh fevt olsa vârisi mütâlebe eder
ve kefil vakit-i muayenede mekfulün bihi ihzâr edüb de mekfulün leh tegayyüb ve ihtifâ
eylese anın tarafından bir vekil nasbıyla ana teslim olunmak üzere kefil
hâkime mürâcaat eyler

652 Madde Kefâlet-i mutlakada deyn eğer asîl üzerine muaccel ise kefil
hakkında dahi muaccel ve asîl üzerine müeccel ise kefil hakkında dahi müeccel
olarak sâbit olur

653 Madde Kefâlet-i mukayyedede ta’cîl ve te’cîl vasıflarının her kangısıyla kayd
olunmuş ise kefil ana göre mütâleb olur

654