Büyük Dil Modeli Tarafından Üretilen Metin
15
Müsellemâtındandır devlet-i aliyyemizik umûr-ı mülkiye ve mâliyesinin derece-i matlûbe-i intizâm
ve mazbûtiyetine îsâli işte şu kâide-i müsellemeye kemâl-i tevessül ile ya‘nî cümle tarafından
hâlisâne ve müstakîmâne ihtimâm ve gayrete menût olup tarafımızdan ol bâbda her dürlü
nezâret ve himmet olunacağı ve bir müddetten berü esbâb-ı muhtelifeden nâşî mâliece ârız
olan müşkilâtın bi-avnihi te‘âlâ karîben def‘i hakkında masrûf olacak himem-i
mahsûsa-i şâhânemize her dâire ve idâre cânibinden hakkıyla ve tamâmıyla ittibâ‘ olunarak
ve zâtımızca devletimizin iâde ve tezyîd-i i‘tibâr-ı mâlisinden ve teb‘amızın refâhından başka
fikir ve emel olmadığı bilinerek emvâl-i devletin istihsâl ve sarfında tasarrufât-ı
kâmileyi ve beyhûde telef ve isrâfdan vikâyesini mûcib olacak ıslâhâtın
peyâpey tarafımıza arz olunması ve devlet-i aliyyemizin ehad-ı esbâb-ı şevketi olan
asâkir-i berriye ve bahriyemizin dahi her hâl ve mahalde muhâfaza-i nizâm ve intizâm ve istikmâl-i
refâhlarına dikkat edilmesi ve saltanat-ı seniyyemizin dost ve müttefiki olan düvel-i
ecnebiye ile cârî olan münâsebât-ı muvâlât-kârânesinin ân-be-ân te’kîdine sarf-ı
mechûd ve muâhedât-ı mün‘akide ahkâmına müstemirren riâyet kılınması ve’l-hâsıl idâre-i
devletin her cihet ve her fer‘inde vezâif-i nezâif-i istikâmet ve iffet ve sadâkat
ve gayreti cümlenin kendisine esâs-ı hareket ve bâis-i felâh ve selâmet bilmesi
irâde-i kat‘iyyemizdendir şurasını dahi i‘lân ve ilâve eylerim ki teb‘amın
âsâyiş ve refâhı hakkında olan arzû-yı şâhânem istisnâ kabûl etmeyeceğinden
edyân ve akvâm-ı muhtelifeden bulunanları dahi cümle taraf-ı hümâyûnumdan adâlet
ve himmet ve te’mîn-i hüsn-i hâlleri emrinde dikkat-i mütesâviye göreceklerdir ve cenâb-ı
hakkın mülkümüze ihsân buyurmuş olduğu esbâb-ı azîme-i servet ve sâmânın
tevessü‘-i tedrîcîsi ki sâye-i mukadderet-vâye-i saltanatımızda cümlenin saâdet-i hâlini
mûcib olacak terakkiyât-ı sahîhadır anların ve devlet-i aliyyemizin istiklâli kaziyye-i
mühimmesinin indimizde eazz-ı efkâr olduğunu dahi tekrâr eylerim hazret-i feyyâz-ı
mutlak habîb-i ekremi hürmetine cümlemizi muvaffak buyura âmîn
Fî 23 Z sene 1277
Müsellemâtındandır devlet-i aliyyemizik umûr-ı mülkiye ve mâliyesinin derece-i matlûbe-i intizâm
ve mazbûtiyetine îsâli işte şu kâide-i müsellemeye kemâl-i tevessül ile ya‘nî cümle tarafından
hâlisâne ve müstakîmâne ihtimâm ve gayrete menût olup tarafımızdan ol bâbda her dürlü
nezâret ve himmet olunacağı ve bir müddetten berü esbâb-ı muhtelifeden nâşî mâliece ârız
olan müşkilâtın bi-avnihi te‘âlâ karîben def‘i hakkında masrûf olacak himem-i
mahsûsa-i şâhânemize her dâire ve idâre cânibinden hakkıyla ve tamâmıyla ittibâ‘ olunarak
ve zâtımızca devletimizin iâde ve tezyîd-i i‘tibâr-ı mâlisinden ve teb‘amızın refâhından başka
fikir ve emel olmadığı bilinerek emvâl-i devletin istihsâl ve sarfında tasarrufât-ı
kâmileyi ve beyhûde telef ve isrâfdan vikâyesini mûcib olacak ıslâhâtın
peyâpey tarafımıza arz olunması ve devlet-i aliyyemizin ehad-ı esbâb-ı şevketi olan
asâkir-i berriye ve bahriyemizin dahi her hâl ve mahalde muhâfaza-i nizâm ve intizâm ve istikmâl-i
refâhlarına dikkat edilmesi ve saltanat-ı seniyyemizin dost ve müttefiki olan düvel-i
ecnebiye ile cârî olan münâsebât-ı muvâlât-kârânesinin ân-be-ân te’kîdine sarf-ı
mechûd ve muâhedât-ı mün‘akide ahkâmına müstemirren riâyet kılınması ve’l-hâsıl idâre-i
devletin her cihet ve her fer‘inde vezâif-i nezâif-i istikâmet ve iffet ve sadâkat
ve gayreti cümlenin kendisine esâs-ı hareket ve bâis-i felâh ve selâmet bilmesi
irâde-i kat‘iyyemizdendir şurasını dahi i‘lân ve ilâve eylerim ki teb‘amın
âsâyiş ve refâhı hakkında olan arzû-yı şâhânem istisnâ kabûl etmeyeceğinden
edyân ve akvâm-ı muhtelifeden bulunanları dahi cümle taraf-ı hümâyûnumdan adâlet
ve himmet ve te’mîn-i hüsn-i hâlleri emrinde dikkat-i mütesâviye göreceklerdir ve cenâb-ı
hakkın mülkümüze ihsân buyurmuş olduğu esbâb-ı azîme-i servet ve sâmânın
tevessü‘-i tedrîcîsi ki sâye-i mukadderet-vâye-i saltanatımızda cümlenin saâdet-i hâlini
mûcib olacak terakkiyât-ı sahîhadır anların ve devlet-i aliyyemizin istiklâli kaziyye-i
mühimmesinin indimizde eazz-ı efkâr olduğunu dahi tekrâr eylerim hazret-i feyyâz-ı
mutlak habîb-i ekremi hürmetine cümlemizi muvaffak buyura âmîn
Fî 23 Z sene 1277