153
( Fasl-ı Sâni )
( Hibe-i marîz hakkındadır )

877 Madde: Vârisi olmayan kimse maraz-ı mevtinde cemî' emvâlini birine hibe ve teslim etse sahih olur ve ba'de'l-vefât terekesine emîn-i beytü'l-mâl müdahale edemez.

878 Madde: Zevcesinden mâadâ vârisi olmayan kimse maraz-ı mevtinde cemî' emvâlini zevcesine veyahud zevcinden mâadâ vârisi olmayan kadın cemî' emvâlini maraz-ı mevtinde zevcine hibe ve teslim etse sahih olur ve ba'de'l-vefât bunlardan birinin terekesine emîn-i beytü'l-mâl müdahale edemez.

879 Madde: Bir kimse maraz-ı mevtinde veresesinden birine bir şey hibe edip de fevt oldukda dîger verese mücîz olmaz ise ol hibe sahih olmaz. Amma veresesinden başkasına hibe ve teslim etdikde sülüs-i mâlı mevhûbun tamâmına müsâid ise sahih olur. Müsâid olmayıp da verese dahi hibeyi mücîz olmaz ise müsâid olduğu mikdarda hibe sahih olup bâkîsini mevhûbun leh redde mecburdur.

880 Madde: Terekesi müstağrak-ı düyûn olan kimse maraz-ı mevtinde emvâlini vârisine yâhud başkasına hibe ve teslim etdikden sonra fevt olsa dâinler hibeyi tutmayıp ol emvâli kısmet-i guramâya idhâl edebilir.

Fî 29 Muharrem sene 1289