17

... Devlet-i Aliyye'yi bi-hakk talep edebilir ........

Üçüncü Madde: Sinn-i rüşde vâsıl olan bir ecnebi Memalik-i Osmaniye’de ale’t-tevâli beş sene ikamet eylediği halde bizzat veya bilvasıta Hariciye Nezaret-i Celilesine bir istida takdimiyle tabiiyet-i Devlet-i Aliyye’yi istihsal edebilir.

Dördüncü Madde: Saltanat-ı Seniye bend-i sabıkta muharrer şeraiti ifa etmemiş olan ecnebileri dahi müsaade-i istisnaiyeye şayeste gördüğü suretde fevkalade olarak tabiiyetine kabul eder.

Beşinci Madde: Teba-i Saltanat-ı Seniye’den me’zûnen tâbiiyet-i ecnebiyeye giren eşhâs tebdîl-i tâbiiyet etdikleri târîhden i‘tibâren ecnebî sıfatında tutulup haklarında ol vechile mu‘âmele olunur. Fakat Devlet-i Aliyye’den me’zûn olmaksızın tâbiiyet-i ecnebiyeye girer ise işbu tâbiiyet-i cedîdesi ke’en lem yekün ve kendisi kemâ kân teba-i Devlet-i Aliyye’den addolunup kâffe-i husûsâtda teba-i Devlet-i Aliyye hakkında olunan mu‘âmelenin aynı icrâ kılınacakdır. Her hâlde teba-i Devlet-i Aliyye’den bir şahsın terk-i tâbiiyet etmesi mutlakâ irâde-i seniye üzerine verilecek bir senede mu‘allak olacakdır.

Altıncı Madde: Saltanat-ı Seniye tarafından me’zûn olmaksızın diyâr-ı ecnebiyede tebdîl-i tâbiiyet eden veyâhûd bir ecnebî devletin hizmet-i askeriyesine giren şahsı Devlet-i Aliyye ister ise tâbiiyetinden ıskât edebilir. Ve bu makûle tâbiiyeti ıskât olunan eşhâsın Memâlik-i Şâhâne’ye avdeti memnû‘ olur.

Yedinci Madde: Teba-i Devlet-i Aliyye’den iken ecnebî ile tezevvüc eden kadın zevcinin vefâtı târîhinden i‘tibâren üç sene zarfında istid‘â ederse tâbiiyet-i asliyesine rüc‘at edebilir. Bu maddenin hükmü şahsa şâmildir. Tasarruf-ı emlâk ve arâzî maddesi nizâmât ve kavânîn-i umûmiyesine tâbi‘dir.

L