202

Tansif olunarak nısfından yüzde beş guruş harc alınıp ancak bu harcın dahi nısfı birinden ve nısf-ı diğeri aherinden istifa olunur.

Sekizinci Madde
İntikalde kezalik arazinin kıymet-i muhammenesinden itibaren arazinin intikal edeceği kimseden yüzde beş guruş harc-ı intikal alınır.

Dokuzuncu Madde
Ber-minval-i sabık alınacak harc-ı ferağ ve intikalden başka cedid sened verildiği surette ferağda fariğden ve intikalde arazinin intikal ettiği kimseden üç guruş kâğıd bahası dahi alınacaktır (*)

Onuncu Madde
Henüz nizamen kendi uhdesine intikali icra olunmayan araziyi bir kimse ahere ferağ edecek oldukda fariğden harc-ı intikal ve mefruğ-ı lehden harc-ı ferağ olmak üzere ikisinden dahi yüzde beşer guruş ahz olunacak ve müceddeden sened verildiği halde üç guruş kâğıd bahası dahi fariğden alınacaktır.

On Birinci Madde
Arazi-i mahlule ve mektumeden maada senedsiz arazi tasarruf edenlerden harc-ı intikal misillü harc ve kâğıd baha ve yedinde sipahi ve mültezim misillüler taraflarından verilmiş olan senedat-ı atika bulunanlardan ve kezalik senedini zayi etmiş olduğu kayden tebeyyün edenlerden yalnız kâğıd baha alınarak yerlerine müceddeden sened verilmek üzere karyesi veya mahallesi tarafından verilen ilmühaber ve olunan tahkikat-ı lazıme üzerine mazbatası bi’t-tanzim mezkûr ilmühaberle beraber defterhaneye gönderilecektir.

On İkinci Madde
Arazi Kanunname-i Hümayununun yüz üçüncü maddesinde beyan olunduğu vechle boz ve kıraç yerlerden müceddeden açıp tarla yapacak olanlara ol yerler meccanen ve bilâ-harc tefviz ve müceddeden sened ita olunarak yalnız üç guruş kâğıd baha alınacak ve bu makulelerden bir sene ve açtıkları yerler taşlık ise iki sene öşür alınmayacaktır.

On Üçüncü Madde
Arazi-i mevatdan ber-minval-i sabık yalnız ziraat ve imar için isteyenlere yer verilip diğer suretle kimseye zabt ettirilmemek...

--------------------------------
(*) Usul-i cedide icabınca fariğden varaka baha alınmaz.

Ve hususiyle