208

Teb’iyet ile ziraat ve hiraset olunan arazi-i emiriyeyi şamil olan hey’et-i
mecmua ki beyn-en-nâs çiftlik tabir olunur bu makule irsen eytam uhdesinde
bulunacak çiftliklerin kıymet-i muhammenesine nazaran kesesi yüz paradan takdir olunacak
ribhine muadil icare ile timurbaş kaidesi üzere yani emval ve hayvanat-ı
mevcudesinden telef olanları yerine koymak şartıyla icarı kabil olduğu
takdirce eytamın hadd-i büluğa vusulüne kadar kemâ-kân uhdelerinde ibka
kılınacaktır.

Otuz İkinci Madde

Bu makule çiftliklerde bulunan emvalin ekserisi menkulat
kabilinden olup da emlak-i bakiyesi şöyle bir kaç hane ve samanlıktan ibaret
olarak bunların harabiyetinden terettüb edebilecek zarar arazinin cesametine
nazaran pek cüz’i ise heman menkulatı füruht olunarak arazisi her ne mikdar
icare ile olur ise olsun icâr ile kezalik eytam uhdelerinde ibka kılınacaktır.

Otuz Üçüncü Madde

Eğer çiftlikatın emlak-i gayr-i menkulesi bağ ve bahçe
ve değirmen ve ebniye-i cesîme gibi kıymetli olarak harab olmalarından eytama hasar-ı külli
terettüb edeceği erbab-ı vukûf şehadetleriyle şer’an sabit olur ise ol vakit
mecmuunun bil-müzayede füruhtuyla Defterhane-i Amire’ye vürûd edecek hüccet ve mazbata
mucibince satılmış olan emlake teb’iyet ile arazisinin ferağına dahi mesağ
gösterilecektir ve bir haneye merbutiyetle kullanılmakda olup tefriki takdirinde
bahası ziyadesiyle tenezzül edeceği berminval-i sabık şer’an sabit olan
arazi dahi bu hükümde olarak berminval-i sabık ol hane ile beraber ol
arazi dahi füruht olunabilir.

Fî 8 C Sene 1275

Zeyl

Arazi-i miriye ile tahsisat kabilinden olan arazi-i vakfiyede sened, rabt
olunmayan ferağ bil-vefa davası istima olunmaz.

Fî 26 S Sene 78

Tapu